క్రిస్మస్ కోసం కలిసి మెలిసి ఆ కష్టం

క్రిస్మస్ పండగ వస్తోంది.. ఈ అతి పెద్ద పండుగకు ఇంకా రెండు వారాల సమయం కూడా లేదు. ఇప్పటికే పండుగ సందడి మొదలైపోయింది. ఇక డిసెంబర్ 25న రాబోతోన్న ఆ వేడుక కోసం అందరూ అన్ని ఏర్పాట్లు చేసేసుకుంటున్నారు. టాలీవుడ్ బ్యూటీ సమంత కూడా ప్రత్యేకంగా ఓ క్రిస్మస్ ట్రీ ఏర్పాటు చేసుకుంటోందని ఇప్పటికే చెప్పేసుకున్నాం.

ఎంతో పొందికగా.. ఓపికగా కూచుని క్రిస్మస్ ట్రీ కోసం సమంత కష్టపడుతోంది. మరి తన ప్రియురాలు అంత కష్టపడుతోంటే.. ఇంత సుదీర్ఘకాలంగా ప్రేమిస్తున్న మనసెరిగిన ప్రియుడు ఊరుకోగలడా? అందుకే తను కూడా సాయం చేయడం చేయడం మొదలు పెట్టాడు అక్కినేని నాగచైతన్య. సమంత ఏర్పాటు చేసిన క్రిస్మస్ ట్రీకి సంబంధించిన డెకరేషన్.. లైటింగ్ ఏర్పాట్లను చూసుకుంటున్నాడు. చైతు-శామ్ ల జంటగా ఏర్పాటు చేస్తున్న ఈ ట్రీ.. ఈసారి క్రిస్మస్ పండక్కి వీరికి చాలా స్పెషల్ అని చెప్పాల్సిందే.

ఇంత చక్కగా అరమరికలు లేకుండా ఉండే ఈ జంట.. మళ్లీ ఎప్పుడు కలిసి తెరమీద కనిపిస్తారా అని అభిమానులు కూడా ఆశగా ఎదురుచూస్తున్నారు కానీ.. ఆ క్షణం రావడం అంత తేలికేం కాదని అనిపిస్తోంది. అసలు తెలుగు సినిమాకే ఇప్పటి వరకూ సమంత సంతకం పెట్టలేదు కదా!


Like Us on Facebook : https://www.facebook.com/Tupakidotcom/