ఆ టైటిల్ మీదే మనసు పడ్డారు

రొటీన్ కమర్షియల్ సినిమానే నమ్ముకుంటూ వచ్చిన మెగా హీరో సాయిధరమ్ తేజ్ కు ఈమధ్య కాలంలో హిట్ అన్నదే కరవైపోయింది. ఎన్నో ఆశలు పెట్టుకుని మాస్ డైరెక్టర్ వి.వి.వినాయక్ డైరెక్షన్ లో చేసిన ఇంటిలిజెంట్ సినిమా ప్రేక్షకులను ఏ మాత్రం ఆకట్టుకోలేకపోయింది. వరస ఫ్లాపులతో తేజు బాక్సాఫీస్ రేసులో బాగా వెనుకబడిపోయాడు.

దీంతో తేజు రూటు మార్చి ప్రేమ కథా చిత్రాల స్పెషలిస్టు కరుణాకరన్ డైరెక్షన్ లో చేస్తున్నాడు. ఈ సినిమా అందమైన చందమామ టైటిల్ పెడతారని ముందుగా టాక్ వచ్చింది. అది మరీ పొయిటిక్ గా ఉందనే మాట కూడా వినిపించింది. తరవాత ‘‘దేవుడు వరమందిస్తే’’.. ‘‘తేజ్.. ఐ లవ్ యూ’ టైటిళ్లు వినిపించాయి. ఇంకా టైటిల్ కన్ఫర్మ్ చేయలేదని చిత్ర యూనిట్ ప్రకటించినా కానీ యూనిట్ మాత్రం ఇందులో తేజ్.. ఐ లవ్ యూ టైటిల్ వైపే మొగ్గు చూపిస్తోందని స్ట్రాంగ్ రూమర్ ప్రస్తుతం వినిపిస్తోంది. ఈ టైటిల్ నే అఫీషియల్ గా ప్రకటించే అవకాశం ఉందని యూనిట్ సభ్యుడొకరు తెలిపారు.

తేజ్.. ఐ లవ్ యూ సినిమాను క్రియేటివ్ కమర్షియల్స్ బ్యానర్ పై కె.ఎస్.రామారావు నిర్మిస్తున్నారు. ప్రేమమ్ బ్యూటీ అనుపమ పరమేశ్వరన్ ఇందులో హీరోయిన్ గా నటిస్తోంది. ప్రస్తుతం షూటింగ్ చివరి దశకు వచ్చింది. జూన్ లో ఈ సినిమా విడుదల చేయడానికి మేకర్లు సన్నాహాలు చేస్తున్నారు.