వినాయక్ కోసం సాయిధరమ్ డబుల్ యాక్షన్?

మెగా కాంపాడ్ లో ఉన్న యంగ్ హీరోల బ్యాచ్ లో(బన్నీ - చెర్రీలను మినహాయించి) మిగతా వారి కంటే కాస్త ముందంజలోనే ఉన్నాడు సుప్రీమ్ సాయిధరమ్ తేజ్. హిట్లు - ఫ్లాపులతో సంబంధం లేకుండా సాయిధరమ్ కెరీర్ నడుస్తుందని సినీ విమర్శకుల అంటున్నారు. అందుకు తగ్గట్లుగానే మెగా అభిమానుల్లో రోజు రోజుకి క్రేజ్ పెంచుకుంటూ పోతూ వరుస సినిమాలు కమిట్ అవుతున్నాడు సాయిధరమ్. ప్రస్తుతం రైటర్ రవి దర్శకత్వంలో తెరకెక్కిన జవాన్ సినిమాలో నటించిన సాయిధరమ్ ఆ వెంటనే రెండు సినిమాలు ఓకే చేశాడు. ఇందులో ఒకటి మెగా డైరెక్టర్ వి.వి.వినాయక్ డైరెక్షన్ లో ఉంటే మరొకటి డైరెక్టర్ కరుణాకరణ్ దర్శకత్వంలో ఉంది. ఈ రెండు సినిమాలకి సంబంధించిన ఓపెనింగ్స్ ఇటీవలే జరిగాయి.

అయితే ప్రస్తుతం జవాన్ రిలీజ్ హడావడిలో ఉన్న సాయిధరమ్ దాంతో పాటే వినాయక్ సినిమా కోసం తన లుక్ ఛేంజ్ చేసుకునే పనిలో ఉన్నాడని విశ్వసనీయ వర్గాలు చెబుతున్నాయి. తాజాగా జరిగిన ఓ ఫంక్షన్ లో సాయిధరమ్ న్యూ లుక్ అక్కడికి వచ్చిన అతిధుల్ని ఆకట్టుకున్నట్లుగా తెలిసింది. మీసాలు పైకి మెలేసి తన మావ పవన్ కళ్యాణ్ కాటమరాయుడు లుక్ ని సాయిధరమ్ ఫాలో అవుతున్నట్లుగా కామెంట్స్ హల్ చల్ చేస్తున్నాయి. అంతేకాదు ఈ మూవీలో సాయిధరమ్ డబుల్ యాక్షన్ చేస్తున్నట్లుగా వార్తలు వస్తున్నాయి. అయితే ఇంతవరకు ఈ విషయం పై ఎలాంటి అఫీషియల్ స్టేట్ మెంట్ రాలేదు. ఒక వేల ఇది నిజమైతే కెరీర్ లో తొలిసారిగా సాయిధరమ్ డబుల్ యాక్షన్ చేస్తున్నాడు. మరి వినాయక్ డైరెక్షన్ లో సాయిధరమ్ ఎలా కనిపించబోతున్నాడో లెట్స్ వెయిట్ అండ్ సీ.