'సాహసం' చేసినందుకు ఫలితమా!!

గౌతమ్ మీనన్ దర్శకత్వంలో అక్కినేని నాగచైతన్య హీరోగా రూపొందిన.. గత శుక్రవారం థియేటర్లలోకి వచ్చిన మూవీ 'సాహసం శ్వాసగా సాగిపో'. పేరుకు తగ్గట్లుగానే రిలీజ్ విషయంలో సాహసం చూపించారు మేకర్స్. దేశం అంతా కరెన్సీ దెబ్బకి విలవిల్లాడుతున్నా సరే.. ధైర్యంగా ధియేటర్లలోకి వచ్చిన మూవీ ఇది.

అయితే.. ఈ సాహసం వర్కవుట్ అయినట్లుగా కనిపించడం లేదు. సోలో రిలీజ్ గా థియేటర్లలోకి వచ్చినా.. రిజల్ట్ దారుణంగా కనిపిస్తోంది. కలెక్షన్స్ నానాటికి తగ్గిపోతుండడం ఆందోళన కలిగించే విషయమే. మంచి టాక్ ఉన్నా సరే.. జనాలు థియేటర్లలోకి వచ్చేందుకు సాహసం చేయడం లేదు. వీకెండ్ వరకూ పర్లేదని అనిపించిన ఈమూవీ కలెక్షన్స్.. సోమవారం పర్లేదనిపించాయి. కానీ మంగళవారం నుంటి సిట్యుయేషన్ ఇంకా మారిపోయింది. ఇప్పటివరకూ కాస్త మెరుగ్గా ఉన్న నైజాం కలెక్షన్స్ కూడా దారుణంగా డ్రాప్ అయిపోయాయి.

సోమవారం నాడు నైజాం ఏరియాలో 28 లక్షలు వసూలు చేసిన చైతు మూవీ.. మంగళవారం నాటికి 15 లక్షలకు పడిపోయింది. ఏపీలో కీలకమైన ఆదివారం నాడు 35శాతమే ఆక్యుపెన్సీ నమోదైంది. ఈ పరిస్థితుల్లో సాహసం కోలుకోవడం కష్టమేనని.. ఫుల్ రన్ లో 8 నుంచి 9 కోట్ల మధ్య ఆగిపోయే అవకాశం ఉందని అంచనా వేస్తున్నారు. ఈ లెక్కన బాగానే ఉందని టాక్ తెచ్చుకున్న మూవీ.. చివరకు ఫ్లాప్ గా మిగలనుందన్న మాట.

Like Us on Facebook : https://www.facebook.com/Tupakidotcom/