మహేష్ 27 ఇదెలా పుట్టిందో ?

సూపర్ స్టార్ మహేష్ తన నెక్స్ట్ సినిమా గురించి డీటెయిల్స్ ఇంకా సస్పెన్స్ గానే ఉంచడంతో రోజుకో వార్త బయలుదేరుతుంది. ఇదిగో మహేష్ నెక్స్ట్ డైరెక్టర్ ఇతనే అంటూ ఓ రోజు టాక్ వస్తే మరునాడు ఇంకో దర్శకుడి పేరు తెరపైకి వస్తుంది. ముందు వంశీ పైడిపల్లి పేరు వినిపిస్తే ఆ తర్వాత పరశురాం పేరు తెరపైకి వచ్చింది. ఇక వీరిద్దరిలో పరశురాం కె సూపర్ స్టార్ ఛాన్స్ ఇస్తాడనే ప్రచారం కూడా జోరుగా సాగింది.

తాజాగా వెంకీ కుడుముల తో మహేష్ సినిమా అంటూ ఇంకో వార్త చక్కర్లు కొడుతుంది. లేటెస్ట్ గా మహేష్ ను కలిసి వెంకీ ఓ సందేశంతో కూడిన ఎంటర్ టైన్ మెంట్ స్క్రిప్ట్ చెప్పాడనే టాక్ వినిపిస్తుంది. భీష్మ సక్సెస్ తో వెంకీ మీద స్టార్ హీరోల కన్ను పడిందని అందుకే మహేష్ ముందుగా తన కాంపౌండ్ లోకి ఈ దర్శకుడిని లాగేసాడని అంటున్నారు.

నిజానికి వెంకీ మహేష్ ని కలిసిందే లేదు. ప్రస్తుతం ఓ స్క్రిప్ట్ రెడీ చేసే పనిలో ఉన్నాడు వెంకీ. ఆ స్క్రిప్ట్ పూర్తయ్యాకే హీరో ఎవరనేది ఆలోచిస్తాడు. అనుకున్నవారిని సంప్రదిస్తాడు. మరి ఈ లోపు మహేష్ తో ఈ వార్త క్రియేట్ చేసిందెవరో ?