ఆర్జే హేమంత్ కారుకు ప్ర‌మాదం..తృటిలో త‌ప్పిన వైనం

ఆర్జేగా సుప‌రిచితుడై.. ఆ త‌ర్వాత టీవీ యాంక‌ర్ గా పేరు తెచ్చుకొని న‌టుడిగా ప‌లు సినిమాల్లో న‌టించిన ఆర్జే హేమంత్ కారు ప్ర‌మాదానికి గురైంది. అదృష్ట‌వ‌శాత్తు ఆయ‌న‌కు ఎలాంటి గాయాలు కాలేద‌ని తెలుస్తోంది. తాజాగా జ‌రిగిన రోడ్డు ప్ర‌మాదంలో ఆయ‌న కారు ప‌ల్టీ కొట్టింద‌ని.. ఆయ‌న‌కు ఏమీ కాలేద‌ని తెలుస్తోంది.

విజ‌య‌వాడ‌లో జ‌రిగిన మ‌హ‌ర్షి స‌క్సెస్ మీట్ కార్య‌క్ర‌మంలో పాల్గొన్న ఆయ‌న తిరిగి హైద‌రాబాద్ కు వ‌స్తున్న స‌మ‌యంలో ఈ ప్ర‌మాదం జ‌రిగిన‌ట్లుగా తెలుస్తోంది. జ‌గ్గ‌య్య‌పేట మండ‌లం షేర్ మ‌హ‌మ్మ‌ద్ పేట క్రాస్ రోడ్డు వ‌ద్ద హేమంత్ కారు ఒక గేదెను ఢీ కొట్టింది. దీంతో.. కారు ప‌ల్టీ కొట్టింది. ప్ర‌మాదం జ‌రిగిన స‌మ‌యంలో కారును హేమంత్ న‌డుపుతున్న‌ట్లుగా చెబుతున్నారు. అయితే.. ఎలాంటి గాయాలు కాక‌పోవ‌టంతో ఆయ‌న అభిమానులు ఊపిరి పీల్చుకుంటున్నారు. ఈ ప్ర‌మాదానికి సంబంధించిన పూర్తి స‌మాచారం బ‌య‌ట‌కు రావాల్సి ఉంది.