కేటరింగ్ బాయ్ గా చేశానన్న ఇండియన్ ఐడల్

ఇండియన్ ఐడల్9 సిరీస్ విన్నర్ గా నిలిచిన సింగర్ లొల్లా వెంకట రేవంత్ కుమార్ శర్మ. సింపుల్ గా రేవంత్ ఒక సెన్సేషన్. ఇండియన్ ఐడల్ కిరీటం ఎంతటి గుర్తింపు అందించిందే.. బాహుబలి మూవీలో మనోహరి అంటూ పాడిన పాట అంతటి ఖ్యాతిని అందించింది.

అయితే.. రేవంత్ గతంలో కేటరింగ్ గా పని చేశాడంటే నమ్మడం కష్టమే. కానీ రీసెంట్ గా ఆ విషయాన్ని కొంచెం ఇష్టంగా.. కొంచెం కష్టంగా చెప్పాడు రేవంత్. 'మాది చాలా పెద్ద కుటుంబం. తాతయ్యగారి ఇంట్లో 9 మంది పిల్లలం ఉండేవారం. మమ్ములను పెంచడమే వారికి పెద్ద టాస్క్. అలాంటిది అన్నిటికీ వారిని డబ్బులు అడగాలంటే ఇబ్బందిగా ఉండేది. అందుకే కేటరింగ్ పనులు చేసేవాడిని. అక్కడ సర్వింగ్ చేయడంతో పాటు.. ప్లేట్స్ కూడా తోమాల్సి వచ్చేది. అయితే.. నేను చేసింది తప్పేమీ కాదు కాబట్టి నాకు ఎప్పుడూ బాధ వేయలేదు' అంటూనే కళ్లలో నీళ్లు పెట్టేసుకున్నాడు రేవంత్.

ఈ విషయం తాను ఎవరికీ చెప్పాలని అనుకోలేదని.. అయితే ఎవరో చెప్పడం కారణంగా అనుమాలిక్ కి తెలియడంతో.. అందరికీ తాను చెప్పేలోగానే ఆయనే ప్రపంచానికి చాలా అందంగా ఈ విషయాన్ని చెప్పారని అన్నాడు సెన్సేషనల్ సింగర్ రేవంత్.

Like Us on Facebook : https://www.facebook.com/Tupakidotcom/