ప్రభాస్ మొదలుపెట్టేది అందుకేనా!?

వచ్చే నెల చివరలో బాహుబలి2 చిత్రాన్ని రిలీజ్ చేయనున్న ప్రభాస్.. ఈ లోగానే కొత్త సినిమా మొదలుపెట్టేస్తున్నాడు. రన్ రాజా రన్ ఫేమ్ దర్శకుడు సుజిత్ దర్శకత్వంలో ప్రభాస్ కొత్త సినిమా మొదలుకానుంది. ఈ నెలలోనే ఈ మూవీ షూటింగ్ ప్రారంభం కానుంది.

బాహుబలి పాత్ర కోసం పెరిగిన వెయిట్ ను తగ్గించేందుకు తెగ వర్కవుట్స్ చేస్తున్న ప్రభాస్.. సుజిత్ తో కొత్త సినిమాను ఈ నెలలోనే ప్రారంభించేయనున్నాడు. ఇంకా హీరోయిన్ ని ఫైనల్ చేయకపోయినా.. అనుకున్న స్థాయిలో ప్రభాస్ ఇంకా వెయిట్ తగ్గకపోయినా.. మూవీని స్టార్ట్ చేసేయడం వెనక ఓ రీజన్ ఉందని తెలుస్తోంది. మొదట ప్రభాస్ పై కొన్ని కీలక సన్నివేశాలను పిక్చరైజ్ చేయనున్నాడట దర్శకుడు సుజిత్. ఓ టీజర్ ను కట్ చేసేందుకు అవసరమైన మేర మాత్రమే షూట్ చేస్తారట. బాహుబలి2 రిలీజ్ నాటికే దీన్ని రెడీ చేసేసి.. బాహుబలి ది కంక్లూజన్ కి దీన్ని జత చేయాలని భావిస్తున్నారని తెలుస్తోంది.

తెలుగు.. తమిళ్.. హిందీ భాషల్లో తెరకెక్కుతున్న కొత్త సినిమా టీజర్ ను.. ఆయా భాషల్లో బాహుబలి2 మూవీకి జత చేస్తారట. అందుకే ఈ నెలలోనే షూటింగ్ ప్రారంభించేస్తున్నారని టాక్ వినిపిస్తోంది.


Like Us on Facebook : https://www.facebook.com/Tupakidotcom/