ఆ యాక్సిడెంట్ వలనే అనుష్క అలా..

అనుష్క శెట్టి లావుగా కనిపిస్తుండడం.. ఇప్పుడు చాలామంది అభిమానులతో పాటు ఫిలిం మేకర్స్ ను కూడా ఇబ్బంది పెడుతున్న విషయం తెలిసిందే. అప్పట్లో సైజ్ జీరో చిత్రం కోసం దాదాపు 20 కిలోల బరువు పెరిగిన అనుష్క.. ఆ తర్వాత తగ్గడానికి చేసిన ప్రయత్నాలు పెద్దగా ఫలించలేదు.

నిజానికి యోగ వంటి ప్రకృతిసిద్ధమైన పద్ధతులతో కొంత బరువు తగ్గినా.. మరో సిట్యుయేషన్ ఆమెను వెంటాడింది. సింగం 3 చిత్రంలో షూటింగ్ లో ఉన్నపుడు ఓ చిన్న యాక్సిడెంట్ కి గురికావడంతో.. గాయాల పాలైందిట స్వీటీ. దీంతో కొన్ని వారాల పాటు బెడ్ రెస్ట్ తీసుకోవాల్సి వచ్చిందని తెలుస్తోంది. ఈ సమయంలో యాంటీ బయాటిక్స్ కారణంగా.. డైట్ పాటించడం.. ఎక్సర్ సైజులు చేయడం లాంటివి కుదరలేదు. ఈ సమయంలో మళ్లీ తిరిగి బరువు పెరిగిపోయింది అనుష్క.

అందుకే ఓం నమో వెంకటేశాయ.. సింగం 3 చిత్రాల్లో అనుష్క లావుగా కనిపించింది. అయితే ఇప్పుడు మళ్లీ వర్కవుట్స్ చేస్తుండడంతో.. బరువు తగ్గుతోందని తెలుస్తోంది. ఈ చిత్రాలతో పోల్చితే.. ప్రస్తుతం సెట్స్ పై ఉన్న భాగమతి మూవీలో స్వీటీ సన్నగా కనిపించనుందని అంటున్నారు. ఈ చిత్రం ప్రధానంగా అనుష్క రోల్ పైనే నడవనుండడంతో.. మరింత కేర్ తీసుకుంటోంది ఈ సొగసరి.

Like Us on Facebook : https://www.facebook.com/Tupakidotcom/