మాస్ మహరాజ్ లుక్ తో కేకలు

రవితేజ సినిమా రిలీజ్ అయ్యి ఏడాదిన్నర కావస్తోంది. రీసెంట్ గా వరుస ప్రాజెక్టులు ఒప్పేసుకుంటూ.. తెగ షూటింగులు చేసేస్తూ స్పీడ్ చూపించేస్తున్నాడు. టచ్ చేసి చూడు షూటింగ్ తో మళ్లీ మొదలుపెట్టిన ఈ మాస్ హీరో.. సగానికి పైగా షూటింగ్ ఫినిష్ చేసేసేశాడట.

రీసెంట్ గా రాజా ది గ్రేట్ అంటూ మరో మూవీ షూటింగ్ కూడా మొదలుపెట్టేసిన మాస్ మహరాజ్ లేటెస్ట్ లుక్ ఇప్పుడు ఓ ఫోటో ద్వారా రివీల్ అయింది. ఈ పిక్ చూడగానే ఫ్యాన్స్ అందరూ తెగ సంబరపడిపోతున్నారు. మళ్లీ మా మాస్ రాజా అదరగొట్టేస్తున్నాడంటూ హుషారు చూపించేస్తున్నారు. ఎందుకంటే కిక్2.. బెంగాల్ టైగర్ సినిమాల్లో రవితేజ లుక్స్ అందరినీ నిరుత్సాహపరిచాయి. బాగా బక్కచిక్కిపోయి.. రవితేజ వయసు మీరిపోయిందని అనిపించేట్లుగా ఉన్న ఆ లుక్ కి అన్నీ నెగిటివ్ రిమార్కులే వచ్చాయి.

ఇప్పుడు మళ్లీ తన కెరీర్ ఫుల్లు ఫామ్ లో ఉన్నప్పటి లుక్ లోకి వచ్చేసి.. కాసింత ఒళ్లు చేసి.. ఫ్యాన్స్ తో అరుపులు కేకలు పెట్టించేస్తున్నాడు రవితేజ. సింపుల్ గా చెప్పాలంటే వెంకీ రోజులను గుర్తు చేసేస్తూ.. ఒక్కసారిగా పదేళ్ల వెనక్కి వెళ్లిపోయాడీ హీరో.

Like Us on Facebook : https://www.facebook.com/Tupakidotcom/