కన్నడ భామ.. కాని చెప్పేసుకుంది

కన్నడ సినిమాల్లో తెగ హల్ చల్ చేస్తున్న భామ రష్మిక మందన. ఈ సుందరాంగి ఇప్పుడు ఓ తెలుగులో సినిమాలో నటిస్తూ టాలీవుడ్ అరంగేట్రం చేసేస్తోంది. నాగశౌర్య హీరోగా నటిస్తున్న చిత్రంతో తెలుగు ఎంట్రీ ఇస్తున్న ఈ బ్యూటీ.. ఇప్పుడు తన తొలి సినిమాకే డబ్బింగ్ కూడా చెప్పేస్తోందట.

కన్నడ సినిమా పరిశ్రమలో మంచి పేరు తెచ్చుకున్నా.. నిజానికి రష్మిక కన్నడ భామ కాదు. కూర్గ్ ప్రాంతంలో మాట్లాడే కొడవ భాష ఈమె మాతృభాష. రాయడం అంతా కన్నడ లిపిలోనే ఉంటుంది. తెలుగుకు కొంత దగ్గరగా ఉండడంతో.. మొదట్లో తెగ కన్ఫ్యూజ్ అయిపోయేదట. 'నా మాతృభాషకు తెలుగుకు కొంత దగ్గరి పోలికలు ఉంటాయి. దీంతో తెలుగు పదాలను పలికినా.. వాటిని ముగించాల్సి వచ్చేసరికి.. కొడవ భాష మాదిరిగా పలికేదాన్ని. ఆ ఎఫెక్ట్ నుంచి బయటకు రావడానికి చాలానే సమయం పట్టింది. ఇప్పుడు తెలుగు భాషను పూర్తి స్థాయిలో పలకగలుగుతున్నాను' అంటోది రష్మిక మందన.

దర్శకుడు.. హీరో సపోర్ట్ చేయడంతో తెలుగులో తన వెర్షన్ కు తనే డబ్బింగ్ చెప్పేసుకుందట రష్మిక మందన. వెంకీ కుడుముల దర్శకత్వంలో రూపొందుతున్న ఈ చిత్రం కోసం.. డబ్బింగ్ చెప్పడానికి.. ఓ టీం ఆమె పక్కనే ఉంటూ సహకరించదని తెలుస్తోంది. ముూవీ ఔట్ పుట్ తో పాటు.. రష్మిక డబ్బింగ్ చెప్పిన తీరుపై కూడా యూనిట్ అంతా పూర్తి సంతృప్తితో ఉండడం విశేషం.