రష్మీ కొత్త సినిమా సీక్రెట్ ఇదే

జబర్దస్త్ యాంకర్ రష్మీ హీరోయిన్ అవతారం ఎత్తి.. గుంటూరు టాకీస్ తో తెగ అందాలు ఒలకబోసింది. సినిమా స్టోరీ కంటే రష్మీ అందాలే హాట్ టాపిక్ అయ్యాయి. పబ్లిసిటీ కూడా రష్మీ చుట్టే తిరుగుతుండడం విశేషమే. ఈ మూవీతో ఎలాగైనా హీరోయిన్ మెటీరియల్ అనిపించునేందుకు.. రష్మీ కూడా బాగానే కష్టపడింది. అయితే.. ఈ మూవీ ప్రమోషన్స్ లో భాగంగా తన నెక్ట్స్ వెంచర్ ఇరగదీసేస్తానంటూ మాట జారింది ఈ భామ. అదేంటీ అంటే చెప్పలేదు కానీ.. గుంటూరు టాకీస్ లో నా అందాలు చూశారు.. కొత్త సినిమాలో నాలోని ఇంకో యాంగిల్ ని చూపించబోతున్నా అంటూ టీజ్ చేసింది ఈ హీరోయిన్.

అయితే.. ఇప్పుడు రష్మీ ట్యాలెంట్ చూపించబోయే ఆ సినిమా సంగతులు ఇప్పుడు బయటకొచ్చాయి. తొలిసారిగా తెలుగు తెరపై జాంబీ కాన్సెప్ట్ తో ఓ మూవీ చేస్తున్నారట. అందులో లీడ్ హీరోయిన్ గా రష్మీని తీసుకున్నారని తెలుస్తోంది. ఇప్పుడే తమిళంలో జయం రవి హీరోగా ఒక జాంబీ మూవీ వచ్చింది. హాలీవుడ్ లో అయితే ఈ కాన్సెప్ట్ తో మూవీస్ కుమ్మేస్తున్నారు. ఇప్పుడు తెలుగులోనూ జాంబీలు సందడి చేయనున్నాయన్న మాట.

తన నెక్ట్స్ పిక్చర్ జాంబీ మూవీ కాబట్టి.. తనలో మరో యాంగిల్ అంటే భయపడ్డమో, భయపెట్టడమో చేసేందుకు రష్మీ రెడీ అయిపోనుంది. అదే మనం ఈ భామలో చూడబోయే కొత్త యాంగిల్.