రాశి ఖన్నా సెల్ఫీ.. ఎవరితోనో తెలుసా?

ఆస్ట్రేలియా మాజీ క్రికెటర్ బ్రెట్ లీకి.. ఇండియాలో వీరాభిమానులు చాలామందే ఉన్నారు. ఈ స్టార్ క్రికెటర్ ఇండియన్ టీం ఓటమికి ఎన్నోసార్లు కారణమైనా.. బ్రెట్ లీ బౌలింగ్ ట్యాలెంట్ కి మనోళ్లు దాసోహం అయిపోయారు. హైద్రాబాద్ లో ఫ్యాన్స్ తనను బాగా ఆరాధిస్తారని ఓ సారి గర్వంగా కూడా చెప్పాడీ మాజీ క్రికెటర్.

ఇప్పుడు బ్రెట్ లీ అభిమానుల జాబితాలోకి కుర్ర హీరోయిన్ రాశి ఖన్నా కూడా చేరిపోయింది. రీసెంట్ గా బ్రెట్ లీ హైద్రాబాద్ వచ్చినపుడు.. అతన్ని కలిసేందుకు వెళ్లింది రాశి. ఇక్కడ బ్రెట్ లీకి పరిచయం ఉన్న ఓ వ్యక్తి.. రాశి ఖన్నాకి ఫ్రెండ్. అలా ఆ క్రికెటర్ ని కలిసేందుకు వెళ్లిందీ భామ. ఇంతకీ ఈమె టార్గెట్ ఏంటంటే.. ఎలాగైనా బ్రెట్ లీతో ఓ సెల్ఫీ దిగడం.

బ్రెట్ లీ - రాశిఖన్నాలను ఒకరికి ఒకరి పరిచయం చేసే టైంకి కూడా.. సెల్పీ గురించే ఆలోచిస్తోందట ఆ భామ. రాశిఖన్నా లాంటి స్టార్ తో సెల్ఫీ కోసం బోలెడు మంది అభిమానులు ఎగబడతారు. మరి ఆ స్టార్లకు కూడా.. తాము ఆరాధించే వ్యక్తితో సెల్ఫీ దిగాలంటే ఇంత కష్టపడాల్సి వస్తుందన్న మాట.