తమిళ పుస్తకాలు తిరగేస్తోందట

తనతోపాటు వచ్చిన చాలామంది అమ్మాయి హ్యాపెనింగ్ స్టార్లు అయిపోయారు కాని.. తొలిసినిమాతో పెద్ద హిట్టును సొంతం చేసుకున్న రాశి ఖన్నా మాత్రం ఎందుకో రేసులో కాస్త వెనుకబడింది. స్టయిలిష్‌ పాత్రలో అల్ట్రా మోడ్రన్ లుక్కులో బాగానే హంగామా చేసినా.. ఇప్పుడు ఈమె చేతిలో పెద్ద సినిమాలంటే కేవలం ఎన్టీఆర్ జై లవకుశ ఒక్కటే ఉంది. అయితే రాశి ప్లాన్స్ వేరేగా ఉన్నాయండోయ్.

తెలుగులోనే కాకుండా ఒక సిమ్రాన్ ఒక నయనతార తరహాలో తమిళంలో కూడా పాతుకుపోవాలని చూస్తోంది రాశి. ఆల్రెడీ ఈమె తెలుగు బాగానే మాట్లాడేస్తోంది. హైదరాబాదులో ఉంటూ తెలుగును అలా వంటబట్టించుకుంది. కట్ చేస్తే ఇప్పుడు తమిళంలో ఇమైక్క నోడిగల్.. సైతాన్ కా బచ్చా.. అంటూ రెండు సినిమాలో చేస్తోంది. వీటికోసం ఏకంగా ఒక తమిళ టీచర్ ను పెట్టుకుని మరీ తమిళం నేర్చేసుకుంటోందట. ఆల్రెడీ బాగానే మాట్లాడేస్తోంది అంటున్నారు. కాస్త తమిళం మాట్లాడి సిమ్రాన్ నమిత హన్సిక తరహాలో అక్కడవారికి దగ్గరైతే.. ఇక తమిళంలో భారీ బ్రేక్ కొట్టేసినట్లే.

తెలుగులో జై లవకుశ హిట్టయ్యిదంటే మాత్రం రాశి ఫేట్ మారినట్లే చెప్పుకోవాలి. ఇప్పటివరకు చాలా సినిమాలు చేసినా కూడా తాప్సీ తరహాలో ఒక్క బ్లాక్ బస్టర్ కూడా ఈమె కెరియర్లో లేకపోవడం కాస్త మైనస్. చూద్దాం రాశి ఏం చేస్తుందో!!