కపిల్ ను దించేసిన సింగు గారు!

బాలీవుడ్ లో గత కొంత కాలంగా బయోపిక్స్ హవా కొనసాగుతోంది. ప్రస్తుతం సెట్స్ మీద కూడా కొన్ని క్రేజీ బయోపిక్స్ ఉన్నాయి.. అందు లో కపిల్ దేవ్ బయోపిక్ ఒకటి. కబీర్ ఖాన్ దర్శకత్వం లో తెరకెక్కుతున్న ఈ సినిమా టైటిల్ '83'. ఈ సినిమాలో కపిల్ పాత్ర లో రణవీర్ సింగ్ నటిస్తున్నాడు. తాజాగా '83' ఈ సినిమా నుండి ఒక పోస్టర్ స్టిల్ రిలీజ్ చేసింది.

రణవీర్ కూడా ఈ పోస్టర్ ను తన ఇన్స్టా ఖాతా ద్వారా షేర్ చేసి "నటరాజ్ షాట్" అంటూ క్యాప్షన్ ఇచ్చాడు. ఎంఎస్ ధోనికి హెలికాప్టర్ షాట్ ఎలా ట్రేడ్ మార్క్ లా క్రికెట్ ప్రేమికుల మనసుల్లో ముద్రించుకు పోయిందో.. ఈ నటరాజ్ షాట్ కపిల్ కు ట్రేడ్ మార్క్ షాట్ లా నిలిచి పోయింది. ఆ షాట్ లో కపిల్ నిలుచున్న భంగిమ నట రాజస్వామి విగ్రహాన్ని పోలి ఉంటుంది. ఈ పోస్టర్లో రణవీర్ అచ్చు గుద్దినట్టుగా కపిల్ దేవ్ తరహా లో కనిపిస్తున్నాడు. ఆ షాట్ ను మక్కికి మక్కి దించేసి కాపీ పరిక్ష లో భలే గా ఉత్తీర్ణుడయ్యాడు! ఈ పోస్టర్ కు సోషల్ మీడియా లో భారీ రెస్పాన్స్ దక్కుతోంది.

రణవీర్ ఈ సినిమా కోసం తీవ్రం గా క్రికెట్ ప్రాక్టీస్ చేయడ మే కాకుండా కపిల్ వద్ద సూచనలు సలహాలు కూడా తీసుకున్నాడు. ఈ పోస్టర్ చూస్తుంటే అవన్నీ ఫలించినట్టు అనిపిస్తోంది. ఈ సినిమా లో రణవీర్ సతీమణి దీపిక పదుకొనే ఒక కీలక పాత్రలో నటిస్తోంది. '83' వచ్చే ఏడాది ఏప్రిల్ 10 తారీఖున విడుదల కానుంది.