భలే రెచ్చిపోయావ్ నానా మిల్కీ

టాలీవుడ్ భామలయినా.. సౌత్ సుందరాంగులయినా బాలీవుడ్ లో ఛాన్స్ కోసం ఆత్రంగా ఎదురుచూస్తూ ఉంటారు. ఒక్క ఛాన్స్ కానీ వచ్చిందంటే.. దాన్ని ఎలాగైనా ఉపయోగించుకోవాలని ఆరాటపడతారు. ఇక దాన్ని ప్రమోట్ చేసుకోవడానికి వీళ్లు రెచ్చిపోతారు చూడండి.. అసలు ఇన్నేళ్లూ ఇక్కడ కనిపించినోళ్లేనే అనిపించక మానదు. ఇప్పుడు ఓ ఈవెంట్ లో మిల్కీ బ్యూటీ తమన్నా వాలకం చూస్తే ఈ విషయంలో ఎంత వాస్తవముందో మరోసారి అర్ధమవుతుంది.

రణవీర్ చింగ్ రిటర్న్స్ అంటూ.. ఓ బాలీవుడ్ హాడ్ లో చేసింది తమన్నా. మిల్కీ గతంలో కూడా బాలీవుడ్ సినిమాలు చేసింది కానీ.. ఫేమ్ మాత్రం రాలేదు. ఇప్పుడు రాక రాక ఓ ఛాన్స్ వచ్చిందేమో.. ప్రమోషన్స్ లో నానా రచ్చ చేసి పడేసింది. స్టేజ్ మీదకు రణవీర్ రావడం.. మిల్కీ అందాన్ని చూసి పడిపోవడం.. ఎంతో కష్టపడి ముద్దులు పెట్టి మరీ తమన్నా పైకి లేపడం.. ఓ స్టేజ్ పై చేసిన హంగామా మామూలుగా లేదసలు.

ఇంత హంగామా ఓ చైనీస్ ఫుడ్ పై తీసిన యాడ్ కోసం అంటే ఆశ్చర్యం వేయడంలో ఏ మాత్రం ఆశ్చర్యపోనక్కర్లేదు. అయినా.. ఓ యాడ్ లో ఛాన్స్ వస్తేనే ఇంత రచ్చ చేస్తున్న తమ్మూని.. నిజంగా భారీ ఆఫర్ ఏదైనా వస్తే.. అసలు పట్టుకోగలమా అనిపించడం సహజమే.