వీడియో : 'రంగ్‌ దే' రొమాంటిక్‌ ఏమిటో ఇది

నితిన్‌ హీరోగా కీర్తి సురేష్‌ హీరోయిన్‌ గా 'తొలిప్రేమ' ఫేం వెంకీ అట్లూరి దర్శకత్వంలో రూపొందుతున్న రొమాంటిక్‌ ఎంటర్‌ టైనర్‌ రంగ్‌ దే సినిమా షూటింగ్‌ ముగింపు దశకు వచ్చేంది. సంక్రాంతికి ప్రేక్షకుల ముందుకు రాబోతున్న ఈ సినిమా నుండి దీపావళి కానుకగా మొదటి పాటను విడుదల చేశారు. ఏమిటో ఇది వివరించలేనిది అంటూ సాగుతున్న రొమాంటిక్‌ మెలోడీ సాంగ్‌ ప్రస్తుతం యూత్‌ ఆడియన్స్‌ ను ఆకట్టుకుంటూ ఉంది. దేవిశ్రీ ప్రసాద్‌ సంగీతం అందించిన ఈ సినిమా పాటలు యూత్‌ ఆడియన్స్‌ ను విశేషంగా ఆకట్టుకుంటాయి అంటూ అంతా నమ్మకంగా ఉన్నారు. అన్నట్లుగానే మొదటి పాట ఆకట్టుకునే విధంగా ఉంది.

ఈ సినిమా చివరి షెడ్యూల్‌ ను మొదలు పెట్టేందుకు ఏర్పాట్లు జరుగుతున్నాయి. చిత్ర యూనిట్‌ సభ్యులు చెబుతున్నదాని ప్రకారం ఈ సినిమా చివరి షెడ్యూల్‌ ను దుబాయిలో చేయబోతున్నారు. అక్కడ పాటల చిత్రీకరణతో సినిమా పూర్తి అవుతుంది. సంక్రాంతికి థియేటర్లలో సినిమాను విడుదల చేయాలని భావిస్తున్నారు. సితార ఎంటర్‌ టైన్‌ మెంట్స్‌ వారు నిర్మిస్తున్న ఈ సినిమాపై అంచనాలు భారీగా ఉన్నాయి.

అంచనాలకు ఏమాత్రం తగ్గకుండా ఈ సినిమా ఉంటుంది అనడంలో ఎలాంటి సందేహం లేదు అంటూ యూనిట్‌ సభ్యులు చాలా నమ్మకంగా చెబుతున్నారు. నితిన్‌.. కీర్తి సురేష్‌ ల కాంబోలో వచ్చిన ఒక వీడియో సినిమాపై మరింత ఆసక్తిని కలిగించింది. నితిన్‌ పెళ్లి సందర్బంగా వచ్చిన ఆ వీడియో కు ఇప్పటి వరకు 14 మిలియన్‌ ల వ్యూస్‌ వచ్చాయి.