అన్నా చెల్లెళ్లతో అఖిల్ పోజు అదిరింది

టాలీవుడ్ లో కుర్రాళ్ల హంగామా ఎక్కడుంటే.. అక్కడ రానా దగ్గుబాటి ప్రత్యక్షమైపోతూ ఉంటాడు. ఇదే మాట ఇంకా క్లియర్ గా చెప్పాలంటే.. రానా ఎక్కడుంటే అక్కడుంటే అక్కడ యూత్ హంగామా పీక్స్ లో ఉంటుందన్న మాట. ప్రస్తుతం టాలీవుడ్ లో అఖిల్ వీక్ నడుస్తోన్న సంగతి తెలిసిందే. అఖిల్-శ్రేయా భూపాల్ ల నిశ్చితార్ధం దగ్గర నుంచి.. రకరకాల గ్రూప్ లతో పార్టీలు హంగామా చేసేస్తున్నారు.

ఇందులో భాగంగా నిశ్చితార్ధపు జంట అక్కినేని అఖిల్-శ్రేయా భూపాల్ లతో పాటు రానా కలిసి ఇచ్చిన ఓ పిక్ తెగ వైరల్ అయిపోతోంది. గోడమీద కూర్చున్న అఖిల్ ని కాబోయే భార్య హగ్ చేసుకుంటే.. ఆజానుబాహుడు రానా ఇద్దరినీ కలిపి పట్టుకున్నాడు. ఈ ఫోటోలో స్పెషాలిటీ ఏంటంటే.. అక్కినేని అఖిల్- దగ్గుబాటి రానాలు బావ బామ్మరిది అవుతారనే సంగతి తెలిసిందే.

అఖిల్ కి వైఫ్ కాబోతోంది కాబట్టి... రానాకి శ్రేయా భూపాల్ చెల్లెలు అవుతుంది. అలా అన్నా చెల్లెళ్లు దగ్గరికి వస్తే.. బావగారైన అఖిల్ గోడపై కూర్చుని దగ్గరకు తీసుకున్నారన్న మాట. ఆ మధ్య ఓ ఫంక్షన్ లో 'నీ వయసెంత బంగారం' అని అఖిల్ ని అడిగిన రానా.. నిశ్చితార్ధం అయ్యాక కూడా అదే మాట అంటాడంటారా?


Like Us on Facebook : https://www.facebook.com/Tupakidotcom/