మరో ప్రాజెక్టును లైన్లో పెట్టిన రానా

రానా దగ్గుబాటి ఇప్పటికే పలు ఇంట్రెస్టింగ్ ప్రాజెక్టులను లైన్లో పెట్టాడు. రానా ప్రస్తుతం 5 సినిమాలకు పని చేస్తున్నాడంటే ఎంత స్పీడ్ మీద ఉన్నాడో అర్థం చేసుకోవచ్చు. సినిమాల్లో నటించడం మాత్రమే కాదు కొత్త ప్రాజెక్టులను లైన్లో పెట్టడంలో కూడా రానా తన జోరు చూపిస్తున్నాడు. తాజాగా మరో ఇంట్రెస్టింగ్ సినిమాకు గ్రీన్ సిగ్నల్ ఇచ్చాడు.

తమిళంలో సిద్దార్థ్ హీరోగా 'అవల్'(తెలుగు లో 'గృహం') సినిమాను తెరకెక్కించి ప్రశంసలు అందుకున్న దర్శకుడు మిలింద్ రాజ్ దర్శకత్వంలో ఈ సినిమా రూపొందుతుంది. ఈ సినిమాను ఈ రోజే అధికారికంగా ప్రకటిస్తారని సమాచారం. ఈ సినిమాకు ఆల్రెడీ స్క్రిప్ట్ వర్క్ పూర్తయిందట.. దర్శకుడు ప్రస్తుతం డైలాగ్ వెర్షన్ కు ఫినిషింగ్ టచెస్ ఇస్తున్నాడట. మరి ఇది కూడా 'గృహం' తరహాలోనే ఒక హారర్ సినిమానా కదా అనే దానిపై మాత్రం ఇంకా క్లారిటీ లేదు.

ఈ సినిమాను విశ్వశాంతి పిక్చర్స్ బ్యానర్ పై గోపీనాథ్ ఆచంట నిర్మిస్తారు. ఈ సినిమాను ఆగష్టు నుండి సెట్స్ పైకి తీసుకెళ్లేందుకు ప్లాన్ చేస్తున్నారట. ఈ సినిమా హీరోయిన్.. ఇతర నటీనటులు.. టెక్నిషియన్ల వివరాలు త్వరలోనే వెల్లడవుతాయి.