08:08:21కి ధృవకు ఏమైందో

రామ్ చరణ్ లేటెస్ట్ మూవీ ధృవ ఇప్పుడు ఫైనల్ స్టేజ్ షూటింగ్ లో ఉంది. కేవలం ఒక్క టైటిల్ సాంగ్ మాత్రమే పెండింగ్. పోస్ట్ ప్రొడక్షన్ పనులు కూడా జరుగుతుండగా.. ఈ చిత్రానికి ఆడియో ఫంక్షన్ నిర్వహించకుండా.. ఈ నెల 9న నేరుగా మార్కెట్లోకి రిలీజ్ చేయనున్నారు. డిసెంబర్ మొదటి వారంలో ధృవ మూవీ రిలీజ్ ప్లాన్ చేయగా.. కొన్ని రోజుల ముందు ప్రీ రిలీజ్ ఫంక్షన్ ప్లాన్ చేస్తున్నారు.

ధృవ ఆడియో రిలీజ్ డేట్ నవంబర్ 9న అంటూ డేట్ ఇచ్చిన పోస్టర్లు ఇప్పుడు ఆసక్తి కలిగిస్తున్నాయి. ఎప్పటిలాగే 8 నెంబర్ ప్రస్ఫుటంగా కనిపిస్తుండగా.. ధృవ లెటరింగ్ లో 08:08:21 అనే అంకెలు ఇంట్రెస్టింగ్ గా ఉన్నాయి. అంటే 8 గంటల 8 నిమిషాల 21 సెకన్లు అనే విషయం అర్ధమవుతోంది. మరి ఈ సమయానికి ఏం జరిగి ఉంటుంది.. టైటిల్ లో ఈ టైమ్ ను డిస్ ప్లే చేయడానికి కారణమేంటి అనే ప్రశ్నలు వైరల్ అవుతున్నాయి.

ఫింగర్ ప్రింట్స్.. షూ ప్రింట్స్.. లాక్ సింబల్.. కెమేరా లెన్స్.. delay అనే అక్షరాలు కూడా ధృవ టైటిల్ లోగోలో ఇమిడి ఉన్నాయి. మరి వీటన్నిటికీ ధృవకు లింక్ ఏంటో తెలియాలంటే.. సినిమా రిలీజ్ వరకూ ఆగక తప్పదు. నా శత్రువే నా బలం అనే ట్యాగ్ లైన్ ఇప్పటికే అందరినీ ఆకట్టుకున్న సంగతి తెలుసు కదా!