రమ్యకృష్ణ కొత్త అవతారం షాకింగే..

రమ్యకృష్ణ పేరెత్తగానే ఇప్పుడందరికీ శివగామి అవతారమే కళ్లముందు కదులుతోంది. ఆ పాత్రలో అద్భుత అభినయంతో కోట్లాది మంది అభిమానుల్ని సంపాదించుకుంది రమ్య. ఐతే అందరూ ‘బాహుబలి-2’ మాయలో ఉన్న సమయంలో రమ్య కొత్త అవతారంతో అందరికీ షాకిస్తోంది. తాజాగా రమ్య ‘మాతంగి’ అనే మలయాళ సినిమాలో నటించింది. అందులో ఆమె అవతారం చూస్తే ఆశ్చర్యపోవాల్సిందే.

‘మాతంగి’లో అమ్మవారి పాత్రతో పాటు ఓ డీగ్లామరైజ్డ్ రోల్ కూడా చేస్తోంది రమ్యకృష్ణ. అందుకోసం ఆమె మేకప్ లేకుండా నటించింది. ‘బాహుబలి’లో దేవసేనగా అనుష్క ఎలా కనిపించిందో.. ఇక్కడ రమ్యకృష్ణ కూడా అలాగే దర్శనమిస్తోంది. ఆమె ఇంతకుముందెన్నడూ ఇలా కనిపించింది లేదు. ‘మాతంగి’ సినిమాకు కన్నన్ థమరక్కులమ్ దర్శకత్వం వహిస్తున్నాడు. ‘బాహుబలి’తో రమ్యకృష్ణ తిరుగులేని ఇమేజ్ సంపాదించుకున్న నేపథ్యంలో ఈ చిత్రాన్ని మలయాళంతో పాటు తమిళ.. తెలుగు భాషల్లోనూ రిలీజ్ చేయబోతున్నారు. ‘బాహుబలి’కి ముందు కొంచెం డల్లుగా సాగుతున్న రమ్యకృష్ణ కెరీర్.. ఇప్పుడు మంచి ఊపుమీద కనిపిస్తోంది. ఇంకొన్నేళ్లు సినీ పరిశ్రమలో ఆమె హవా సాగే అవకాశాలు కనిపిస్తున్నాయి.

Like Us on Facebook : https://www.facebook.com/Tupakidotcom/