ఫస్ట్ లుక్‌: 'శివం'తో రెడీ అయిన రామ్‌

మొన్ననే కదండీ ''పండగ చేస్కో'' సినిమా వచ్చింది.. అయినాసరే తన కొత్త సినిమాతో మరోసారి రెడీ అయిపోయాడు హీరో రామ్‌. పండగ చేస్కో అంటే అనివార్య కారణాల వలన లేటయ్యి కాస్త లేటుగా రిలీజ్‌ అయ్యింది కాని, ఈసారి అలా జరిగే ప్రసక్తే లేదు.

నిజానికి రామ్‌ కొత్త సినిమా 'శివం' షూటింగ్‌ కూడా ఎప్పుడో స్టార్టయ్యింది. ఈ సినిమాతో దర్శకుడు శ్రీనివాస్‌ రెడ్డి దర్శకుడిగా పరిచయం అవుతున్నాడు. గతంలో నితిన్‌ తో మొదలెట్టి ఆపేసిన సినిమాను, ఆ తరువాత రామ్‌ తో చేయడానికి కమిట్‌ అయ్యాడు శ్రీనివాస్‌ రెడ్డి. దేవి శ్రీ ప్రసాద్‌ మ్యూజిక్‌ అందించిన ఈ సినిమా ఫస్ట్ లుక్‌ పోస్టర్‌ ఈరోజే విడుదలైంది. యాజ్యూజువల్‌ రామ్‌ హ్యాండ్సమ్‌ గా ఉన్నాడులే. ఇక రాశి ఖన్నా కూడా కూల్‌ గా బాగానే ఉంది. కాకపోతే ఫిలిం నగర్‌ లో ప్రకంపనాలు సృష్టించేంత సత్తా ఈ హై వోల్టేజ్‌ సినిమా పోస్టర్ల కు లేదులే.

ఈ సినిమాను అక్టోబర్‌ 2న విడుదల చేయనున్నట్లు రామ్‌ ప్రకటించేశాడు.