రంగస్థలం భలే రికార్డ్ కొట్టిందే

తెలుగు సినిమా ఇండస్ట్రీ పరిగెడుతున్న కొద్దీ ఎప్పటికప్పుడు రికార్డులను సైతం క్రాస్ చేసుకుంటూ వెళుతోంది. చిన్న సినిమాలు పెద్ద సినిమాలు అని తేడా లేకుండా అన్ని చిత్రాలు ఇప్పుడు సరికొత్త ట్రెండ్ సెట్ చేస్తున్నాయి. రికార్డులు బద్దలు కొట్టడానికి కేవలం స్టార్ హీరో కావాల్సిన అవసరం లేదు. అయితే కొంత మంది స్టార్ హీరోలు క్రియేట్ చేసిన ఓ సరికొత్త రికార్డును ఎవరు క్రాస్ చేయలేకపోతున్నారు.

ముఖ్యంగా పవర్ స్టార్ పవన్ కళ్యాణ్ సూపర్ స్టార్ మహేష్ బాబు కెరీర్ లకు బూస్ట్ ఇచ్చిన సినిమాలు కొన్ని ఏరియాల్లో ఎవరు ఊహించని విధంగా కలెక్షన్స్ ను రాబట్టాయి. కృష్ణా జిల్లాలోని ఒక థియేటర్ లో పవర్ స్టార్ పవన్ కళ్యాణ్ ఖుషి సినిమా ట్రెండ్ సెట్ చేసింది. తెలుగు సినిమా చరిత్రలోనే ఇప్పటివరకు ఒక థియేటర్ లో ఎవరు అందుకొని కలెక్షన్స్ ఆ సినిమా అందుకుంది. అదే జిల్లాలో మహేష్ బాబు పోకిరి సినిమా కూడా రికార్డ్ క్రియేట్ చేసింది.

అయితే ఇప్పుడు అదే తరహాలో మెగా పవర్ స్టార్ రామ్ చరణ్ కూడా ఒక థియేటర్ లో అందరికంటే ఎక్కువ వసూళ్లను సాధించాడు. రంగస్థలం సినిమా ఎలాంటి విజయాన్ని అందుకుందో అందరికి తెలిసిందే. రామ్ చరణ్ కెరీర్ లోనే బిగ్గెస్ట్ గ్రాస్ అందుకున్న సినిమాగా నిలిచింది. ఇక నైజం ఏరియాలోని ఒక థియేటర్ లో రంగస్థలం అత్యధిక వసూళ్లను రాబట్టిందని సమాచారం. ఈ విధంగా సువర్ స్టార్ - పవర్ స్టార్ స్థాయిలో మెగా పవర్ స్టార్ రికార్డ్ అందుకున్నాడు.