కేరక్టర్లు పంచుకుంటున్న పవన్ - చరణ్

మెగా పవర్ స్టార్ రామ్ చరణ్ హీరోగా పవర్ స్టార్ పవన్ కళ్యాణ్ ఓ సినిమా నిర్మించే యోచనలో ఉన్నారన్నది పాత వార్తే. అలాగే.. కొణిదెల ప్రొడక్షన్స్ పేరుతో రామ్ చరణ్ కొత్త బ్యానర్ ను ప్రారంభిస్తారన్నదీ ఓల్డ్ న్యూసే. ఇవి రెండూ పెద్ద వార్తలే అయినా.. వీటిని మించిన ఓ న్యూస్ ఇప్పుడు టాలీవుడ్ లో చక్కర్లు కొడుతోంది.

పవన్ కళ్యాణ్ హీరోగా రామ్ చరణ్ నిర్మాతగా ఓ మూవీ స్టార్ట్ కానుందనే విషయం ఇప్పుడు టాలీవుడ్ హాట్ న్యూస్. ఈ బాబాయ్ అబ్బాయ్ ల మధ్య సయోధ్య చాలానే ఉంది. దీంతోనే ఈ కాంబినేషన్ సెట్ అయినట్లు సమాచారం. అదీ కాక పవన్ కళ్యాణ్ నిర్మతగా మారే సిట్యుయేషన్ ఇప్పుడే కాదని, దీనికి మరికొంత కాలం పడుతుందని టాక్.

మెగాస్టార్ చిరంజీవి హీరోగా తెరకెక్కనున్న 150వ చిత్రంతో... నిర్మాతగా రామ్ చరణ్ తన ప్రొడక్షన్ స్టోరీ స్టార్ట్ చేస్తాడు. ఆ తర్వాత చేయబోయే ప్రాజెక్ట్ పవన్ కళ్యాణ్ తోనే అని తెలుస్తోంది. ఇలా రెండు వరుస భారీ చిత్రాలు సెట్ చేస్తున్నాడు నిర్మాత రామ్ చరణ్. అయితే.. పవర్ స్టార్ నిర్మాతగా చెర్రీ సినిమా కంటే.. చరణ్ నిర్మాతగా పవన్ కళ్యాణ్ తీయబోయే మూవీనే మొదట స్టార్ట్ కానుండడం విశేషం.