ఉలుకూ పలుకూ లేదేంటమ్మా చెర్రీ?

అబ్బే.. ఇలాగైతే ఎలా బాసూ.. ఈ మెగా పవర్‌ స్టార్‌ రామ్‌ చరణ్‌ ఉన్నాడు చూడండి.. ఎప్పుడూ అభిమానులను కాస్త టెన్షన్‌ పెడుతూనే ఉంటాడు. ఇప్పటికే చాలా గ్యాప్‌ తరువాత తన తదుపరి సినిమా ''తని ఒరువన్‌'' రీమేక్‌ ను సురేందర్ రెడ్డి డైరక్షన్‌ లో మొదలుపెట్టేశాడు. అయితే ఈ సినిమా గురించి అసలు చెర్రీ ఏమన్నా చెబితేగా.

ఫిబ్రవరి నెలాఖరున.. నీహా పాపా.. అంటూ తన చెల్లి నిహారిక యాక్ట్‌ చేసిన వెబ్‌ సిరీస్‌ ముద్దపప్పు ఆవకాయ్‌ గురించి గొప్పగా చెప్పాడు. ఆ తరువాత మార్చి 6న తన బెస్టు ఫ్రెండ్‌ శర్వానంద్‌ బర్త్ డే నాడు ఫ్రెండుకు విషెస్‌ చెప్పాడు. అయితే మార్చి 5న మనోడు మంచి రోజు కాబట్టి తని ఒరువన్‌ రీమేక్‌ షూట్‌ లో పాల్టొంటాడని చెప్పారే? అబ్బే చెర్రీ మాత్రం దాని గురించి ఏమీ చెప్పలేదు. మరో రెండు రోజుల తరువాత శివరాత్రి శుభాకాంక్షలు కూడా చెప్పాడు కాని.. తన సినిమా గురించి మాత్రం చెప్పలేదు గురుడు.

ఇంతకీ తని ఒరువన్‌ రీమేక్‌ షూట్‌ లోకి చరణ్‌ ఎంట్రీ ఇచ్చాడా లేదా?? ప్చ్‌.. చరణే చెప్పాలి.