రంగస్థలానికి దాదాపు విడాకులే

ఏంటి విడాకుల గోల అనుకుంటున్నారా? అదేనండి రంగస్థలం సినిమాకి రామ్ చరణ్ వర్క్ మొత్తం ఫినిష్ అయ్యింది దాదాపు డబ్బింగ్ పనులు కూడా పూర్తయ్యాయి. దీంతో కథానాయకుడు రామ్ చరణ్ రంగస్థలం సినిమాకు వర్క్ పరంగా విడాకులు ఇచ్చేశాడు. ఇక మిగిలింది ప్రమోషన్స్ వర్క్ మాత్రమే ఆ పనులకు ఇంకా చాలా సమయం ఉంది. సుకుమార్ దర్శకత్వంలో తెరకెక్కిన రంగస్థలం సినిమా పై ప్రస్తుతం అంచనాలు తారా స్థాయిలో ఉన్నాయి.

1980 కాలంలో జరిగే ఈ కథలో దర్శకుడు ప్రతి ఎమోషన్ ని చూపించడట. సమంత - రామ్ చరణ్ మధ్య వచ్చే డిఫెరెంట్ లవ్ సీన్స్ సుకుమార్ మార్క్ కి తగ్గట్టు ఉంటాయట. కొన్ని సీన్స్ అనుకున్నట్టుగా రాకపోవడంతో మళ్లీ రీ షూట్ చేసినట్లు వార్తలు వచ్చాయి. మరి ఆ న్యూస్ ఎంతవరకు నిజమో తెలియదు సుకుమార్ మాత్రం రామ్ చరణ్ ని కథలో భాగానే వాడాడట. మెగా పవర్ స్టార్ అసలైన నటన ఈ సినిమాలో కనిపిస్తుందని టాక్. ఇక సినిమా షూటింగ్ దాదాపు ఎండింగ్ కి వచ్చేసింది. రేపో మాపో మిగిలిన ప్యాచ్ వర్క్ సీన్స్ కూడా అయిపోతాయి.

రామ్ చరణ్ కు సంబంధించిన సీన్స్ అయితే అయిపోయి చాలా రోజులు అవుతోంది. ఇక సినిమా కేవలం డబ్బింగ్ వర్క్ ఉండడంతో రీసెంట్ గా రామ్ చరణ్ ఆ పనిని పూర్తి చేశాడు. ఈరోజు మధ్యహ్నంతో ఆ పని కూడా అయిపోయింది. అంటే చరణ్‌ మరో రోజు ప్యాచ్ వర్క్ కోసం కేటాయిస్తే.. గత సంవత్సర కాలం నుండి కొనసాగుతున్న ఈ సినిమా ప్రొడక్షన్ షెడ్యూల్ కు చెర్రీ గుడ్ బాయ్ చెప్పినట్లే. మార్చి 18న రంగస్థలం ప్రీ-రిలీజ్ ఈవెంట్.. అలాగే 30న సినిమా రిలీజ్ కాబోతున్న సంగతి తెలిసిందే.