ఉపాసనతో కలిసి చూసేశాడు

ధృవ రిలీజ్ కి రెండు రోజుల ముందే బయల్దేరి అమెరికా వెళ్లిపోయాడు రామ్ చరణ్. ముందు రోజు యూఎస్ లో ప్రీమియర్స్ దగ్గర నుంచి.. సండే వరకూ అక్కడే గడిపాడు. తిరిగి బుధవారం ఉదయానికి ఇండియా వచ్చిన చెర్రీ ఇక్కడ రేడియో ఇంటర్వ్యూలు ఇస్తూ టైం స్పెండ్ చేశాడు.

మరి బ్లాక్ బస్టర్ దిశగా దూసుకుపోతున్న తన లేటెస్ట్ మూవీ ధృవను.. తన బెటర్ హాఫ్ అయిన ఉపాసనకు చూపించాలి కదా! అఫ్ కోర్స్.. ధృవ మూవీ షూటింగ్ లోను.. అటు ఖైదీ నెంబర్ 150షూటింగ్ జరిగే సమయంలోను.. ఉపాసన సెట్స్ లో గడిపింది కానీ.. సూపర్ హిట్ టాక్ వచ్చిన సినిమాని థియేటర్లో.. అది కూడా భర్తతో కలిసి అభిమానుల మధ్య కలిసి చూస్తే ఆ థ్రిల్లే వేరుగా ఉంటుంది కదా. అందుకే చెర్రీ అండ్ ఉపాసనలు కలిసి ఇప్పుడు ధృవ మూవీని హైద్రాబాద్ లో ఐనాక్స్ లో చూసేశారు.

బయటకు వచ్చేటప్పుడు ఇద్దరి మొహాల్లోనూ.. ముఖ్యంగా చెర్రీ వైఫ్ ఉపాసన ఫేస్ లో గ్లో చూడాలీ.. సామిరంగా.. వంద కాండిల్స్ బల్బ్ లను ఓ వంద ఒకేసారి వెలిగించిన రేంజ్ లో కళకళలాడిపోయిందిలే. మొత్తానికి భర్తతో కలిసి ధృవ మూవీని ఉపాసన బాగానే ఎంజాయ్ చేసింది.

Like Us on Facebook : https://www.facebook.com/Tupakidotcom/