చెర్రీతో ఇంద్ర2 తీస్తున్నాడా?

బోయపాటి శ్రీను దర్శకత్వంలో రామ్ చరణ్ హీరోగా మూవీ శరవేగంగా షూటింగ్ జరుపుకుంటోంది. రంగస్థలం ఇండస్ట్రీ హిట్ గా నిలిచేసరికి.. ఆటోమేటిగ్గా అంచనాలు ఆకాశమే హద్దు అన్న స్థాయికి చేరిపోయాయి.

పైగా బోయపాటి మూవీ అంటే మాస్ యాక్షన్ మసాలా సీన్స్.. మూవీ ఎక్స్ పెక్ట్ చేయడం సహజం. ఇప్పుడు చెర్రీ-బోయపాటి కాంబినేషన్ లో రూపొందే సినిమాలో ఇవన్నీ ఫుల్లుగా ఉండడమే కాదు.. స్టోరీ లైన్ పై కూడా ఓ విషయం తెలుస్తోంది. సొంత ఊరికి దూరంగా బతికే ఓ హీరో.. ఈ హీరో గతంలో ఏం చేసేవాడు.. వర్తమానంలో హ్యాపీగా బతికేస్తున్నా ఫ్లాష్ బ్యాక్ కారణంగా ఎదురయ్యే సమస్యలు.. వాటి నుంచి హీరో ఎలా ధీరోధాత్తంగా బయటకు వచ్చాడు అన్నదే .. ఈ మూవీ కథ అని తెలుస్తోంది.

ఇదంతా వింటుంటే.. ఇంద్రతో పాటు మరికొన్ని ఫ్యాక్షన్ సినిమాలు గుర్తుకు రావడంలో ఆశ్చర్యం లేదు. రామ్ చరణ్ తో ఇలాంటి మాస్ కంటెంట్ స్టోరీ ని సెలెక్ట్ చేసుకున్న బోయపాటి.. మెగాస్టార్ ఇంద్ర ను పోలినట్లుగా కథను తీర్చిదిద్దుకున్నాడనే టాక్ ఉంది. కంటెంట్ కరెక్టుగా ఉంటే మాత్రం.. కథ విషయంలో భారీ మన ఆడియన్స్ ఓకే అనేస్తారు లెండి.