అబ్బబ్బా.. రకుల్ ఏం చెప్పిందిలే

టాలీవుడ్ బ్యూటీ రకుల్ ప్రీత్ సింగ్ ఇప్పుడు కెరీర్ మొత్తంలో పీక్ స్టేజ్ లో ఉంది. రా రండోయ్ వేడుక చూద్దాం అంటూ రీసెంట్ గా డీసెంట్ సక్సెస్ తో పాటు.. తన నటనకు కూడా మంచి రెస్పాన్స్ నుం సంపాదించగలిగింది. మొదటిసారిగా పెర్ఫామెన్స్ ఓరియెంటెడ్ రోల్ చేసి అందరినీ మెప్పించింది.

అంతే కాదు.. ఇప్పుడు రాబోయే సినిమాల్లో కూడా రకుల్ పాప పాత్ర చాలా కీలకం కానుంది. స్పైడర్ మూవీలో గ్లామర్ తో పాటు యాక్టింగ్ కి కూడా స్కోప్ ఉండనుండగా.. బెల్లంకొండ శ్రీనివాస్ హీరోగా రూపొందే సినిమాలో కూడా.. అమ్మడు బోలెడంత ట్యాలెంట్ చూపించనుందట. ఇక ఇప్పుడు వస్తున్న అవకాశాలు అయితే.. మరీ సంతోషాన్ని ఇచ్చేస్తున్నాయని అంటోంది రకుల్ ప్రీత్ సింగ్. ప్రస్తుతం నటనకు స్కోప్ ఉన్న పాత్రలను దర్శక నిర్మాతలు ఆఫర్ చేస్తున్నారట. గతంలో అందరూ తనను గ్లామరస్ పాత్రలకే పనికొస్తుందని అనుకునేవారని.. కానీ ఇప్పుడు అందరూ తనలోని ట్యాలెంట్ ను గుర్తించారని తెగ సంబరపడిపోతున్న రకుల్ ప్రీత్ సింగ్.. ఆ క్రెడిట్ అంతా మీడియాకి ఇచ్చేసింది.

మీడియాలో ఏది ఎక్కువ రాస్తే.. జనాలు అదే ఎక్కువగా నమ్ముతూ ఉంటారని.. దాని గురించే పదిసార్లు మాట్లాడుకుంటూ ఉంటారని అంటోంది రకుల్ ప్రీత్. తనలోని యాక్టింగ్ స్కిల్స్ ను గుర్తించిన మీడియా.. అదే టాపిక్ ను ఒకటికి పదిమార్లు ప్రస్తావించడంతోనే.. ఇప్పుడు తనకు పెర్ఫామెన్స్ రోల్స్ వస్తున్నాయని చెప్పింది రకుల్.

Like Us on Facebook : https://www.facebook.com/Tupakidotcom/