రకుల్‌ కు మూడు ఎఫ్‌ లంటే ఇష్టం

హమ్మయ్యా.. ఆ లెగ్గూ ఈ లెగ్గూ అంటున్న విమర్శకులు అందరూ ఇప్పుడు గప్‌ చుప్‌ అయిపోయారు. ఎందుకంటే పెద్ద స్టార్ల తో ఇప్పటివరకు ఒక్క హిట్టు కూడా అందుకోని స్పయిసీ సైరన్‌ రకుల్‌ ప్రీత్‌ సింగ్‌ ఎట్టకేలకు ఒక హిట్టు కొట్టేసింది. ఇంకేముంది అమ్మడికి ఫుల్‌ పండగే కదా.

'నాన్నకు ప్రేమతో' సినిమాతో తన కెరియర్‌ లో నే తొలి హిట్‌ అందుకుంది రకుల్‌. పైగా ఈ సినిమాలో ఆమె తన పాత్ర కోసం బాడీ లాంగ్వేజ్‌ ను మార్చుకుని నటించడం.. సొంతంగా తనే తెలుగులో డబ్బింగ్‌ చెప్పుకోవడం.. అమ్మడిని ఓ మెట్టు పైనే కూర్చోపెట్టేశాయి. ఈ సమయంలో తన హ్యాపీనెస్‌ ను షేర్‌ చేసుకుంటూ.. నాకు మూడు 'ఎఫ్‌'లు అంటే ఇష్టం అనేస్తోంది ఈ వయ్యారి భామ. ఏంటంట అవి?

ఫుడ్‌-ఫిట్‌నెస్‌-ఫిలింస్‌ అంటూ చెప్పుకొచ్చింది. కావల్సినంత లాగించేసి.. ఎల్లప్పుడూ గుర్తుంచుకునే పాత్రలు తెరపై చేస్తే.. ఎప్పుడూ ఫిట్‌ గా సైజ్‌ సిక్స్‌ లో కనిపించడమే తన లక్ష్యమట. అదిరింది కదూ. త్వరలో బన్నీ సరసన సరైనోడు సినిమాలో కనిపించనుంది రకుల్‌.