తమ్ముడిని ట్యాలెంట్ చూపించమంటోంది

ఉత్తరాది భామ రకుల్ ప్రీత్ సింగ్.. బాలీవుడ్ కెరీర్ మొదలుపెట్టినా.. టాలీవుడ్ లో వరుస అవకాసాలు రాగానే చకచకా నిర్ణయాలు తీసేసుకుంది. హైద్రాబాద్ లో మకాం వేసేయడం.. ఇక్కడే ఇల్లు కొనుక్కోవడంతో పాటు.. వ్యాపారాలు కూడా స్టార్ట్ చేసేసింది రకుల్ ప్రీత్ సింగ్.

ఇప్పటికే హైద్రాబాద్ లో వ్యాపారాలను తన కుటుంబ సభ్యుల సహకారంతో నిర్వహిస్తున్న రకుల్.. ఇప్పుడు తన తమ్ముడిని యాక్టింగ్ లోకి కూడా దింపేస్తోంది. రకుల్ తమ్ముడు అమన్ త్వరలో సినిమాల్లోకి వస్తాడనే టాక్ నడుస్తోంది. ఇందుకు బలం చేకూరుస్తూ.. ఇతగాడు ఇప్పటికే తన ట్యాలెంట్ ను చాటే పనిలో పడ్డాడు కూడా. ఓ షార్ట్ ఫిలింలో నటించేసిన రకుల్ బ్రో.. సినిమాల్లో కూడా సత్తా చాటాలని ఉత్సాహంగా ఉన్నాడు. చందు హుగ్గిహెళ్ల దర్శకత్వంలో రూపొందిన రాక్ ఎన్ రోల్ అనే షార్ట్ ఫిలిం చేశాడు ఈ కుర్రాడు.

ఇప్పుడీ షార్ట్ ఫిలిం ప్రచార బాధ్యతలు కూడా హ్యాండిల్ చేస్తోంది రకుల్ ప్రీత్. రాక్ ఎన్ రోల్ ప్రీ లుక్ ను షేర్ చేసిన రకుల్.. 'నా చిట్టి తమ్ముడు అమన్ కి తొలి షార్ట్ ఫిలిం సందర్భంగా ఆల్ ది బెస్ట్. ఇది కేవలం ప్రారంభం మాత్రమే. నీకు అదృష్టం కూడా కలిసి రావాలని కోరుకుంటున్నా' అంటోంది రకుల్.