అమీకు సూపర్ స్టార్ కితాబు!

బ్రిటీష్ బ్యూటీ అమీ జాక్సన్ కోలీవుడ్ లో స్టార్ హీరోయిన్ గా చెలామణి అవుతోంది. ప్రస్తుతం ఈ భామ శంకర్ సినిమా రోబో 2 లో హీరోయిన్ గా నటిస్తోంది. షూటింగ్ సమయంలో అమీ జాక్సన్ పని తీరు చూసిన సూపర్ స్టార్ రజినీకాంత్ - అమీను ఐశ్వర్య రాయ్ తో పోల్చారట. ఆమెతో రోబోలో నటించాను అప్పుడు ఆమె డెడికేషన్ నాకు చాలా నచ్చింది. ఇప్పుడు నీతో వర్క్ చేస్తుంటే నాకు ఐశ్వర్యారాయ్ తో వర్క్ చేస్తున్న ఫీలింగ్ కలుగుతుంది. ఆమెలో ఉన్న డెడికేషన్ నీలోనూ ఉంది. భవిష్యత్తులో నువ్వు కూడా ఆమె అంత ఎత్తుకు ఎదుగుతావు అని మెచ్చుకున్నాడట. దాంతో సూపర్ స్టారే నన్ను మెచ్చుకున్నాడు అంటూ అమీ జాక్సన్ తెగ సంబరపడుతుందట.

ప్రస్తుతం ఈ అమ్మడు కోలీవుడ్ లో స్టార్ హీరోలందరితో పనిచేస్తూ ఇప్పుడున్న స్టార్ హీరోయిన్స్ కంటే ఎక్కువ ఛాన్స్ ఉన్న భామగా రికార్డ్ సాధించింది. ఇదివరకు రజినీకాంత్ పవన్ కళ్యాణ్ విషయంలో కూడా ఇలానే తను పెద్ద స్టార్ హీరో అవుతాడని చెప్పాడు. ఆయన చెప్పినట్లుగానే పవన్ విషయంలో జరిగింది. మరి అమీ జాక్సన్ విషయంలో రజిని చెప్పినట్లు జరుగుతుందో లేదో చూడాలి..!