మలేషియాలో కబాలి కోసం కేకలు

సౌత్ ఇండియా సూపర్ స్టార్ రజినీకాంత్ నటిస్తున్న లేటెస్ట్ మూవీ కబాలి. ప్రస్తుతం ఈ మూవీ షూటింగ్ శరవేగంగ జరుపుకుంటోంది. రీసెంట్ గా మలేషియాలో షెడ్యూల్ స్టార్ట్ చేశాడు డైరక్టర్ రంజిత్. రజినీకాంత్ సహా.. ప్రధాన తారాగణమంతా షూటింగ్ లో పాల్గొంటున్నారు.

నిజానికి రజినీకాంత్ తమళ యాక్టరే అయినా.. దేశంలోనే కాదు, ప్రపంచవ్యాప్తంగా అభిమానులున్నారు సూపర్ స్టార్ కి. తమ అభిమా నటుడు, స్టైల్ కింగ్ అయన రజినీకాంత్ ని తమ ప్రాంతంలో చూసిన మలేషియా ఫ్యాన్స్ ఆనందంలో ఉబ్బితబ్బిబ్బవుతున్నారు. రజినీకి ఇక్కడి ఓ స్టార్ హోట్ గ్రాండ్ వెల్ కం ఏర్పాటు చేసింది. పడవ లాంటి కారు పంపి స్వాగతం పలికింది.

వినాయక చవితికి షూటింగ్ ప్రారంభించుకున్న కబాలి.. అప్పుడే రెండో షెడ్యూల్ కూడా స్టార్ట్ చేసేసుకోవడం విశేషం. రజినీలాంటి సూపర్ స్టార్ తో ఇంత ఫాస్ట్ గా పిక్చరైజ్ చేస్తుండడంతో.. రంజిత్ కి ప్రశంసలు బాగానే దక్కుతున్నాయి. డిసెంబర్ చివరికల్లా కబాలి షూటింగ్ పార్ట్ ఫినిష్ చేసే యోచనలో ఉన్నాడు రజినీకాంత్. దీన్న కంప్లీట్ చేసినవెంటనే శంకర్ తీయబోతున్న రోబో-2 షూటింగ్ లో జాయిన్ అవుతారు సూపర్ స్టార్