తలైవార్ అండ్ భాయ్ కాంబినేషన్ రెడీ

ఇద్దరూ టాప్ హీరోస్ మాకు కలిసి యాక్ట్ చేయాలనుంది... అన్నీ కలిసొస్తే త్వరలోనే మేం స్క్రీన్ షేర్ చేసుకుంటామని అనౌన్స్ చేయాలేగానీ ప్రొడ్యూసర్స్ ఆగుతారా..? ఇప్పుడు అదే జరిగేలా కనిపిస్తోంది. 2.0 ఫస్ట్ లుక్ లాంఛ్ సమయంలో రజనీకాంత్ మీద ఉన్న అభిమానంతో పిలవకపోయినా ఈవెంట్ కి వెళ్లి హంగామా చేసి సల్మాన్ చూపించిన ప్రేమకి పొంగిపోయిన తలైవార్ సల్మాన్ తో నటించాలనుందంటూ మనసులో మాటని బయటపెట్టారు.

అయితే రజనీకాంత్ కోరికను తీర్చడానికి ఇప్పుడు బడా నిర్మాత ఒకరు ట్రై చేస్తున్నారనే మాట వినిపిస్తోందిప్పుడు. రజనీ- సల్మాన్ కాంబినేషన్ ని సెట్ చేయడానికి ప్రొడ్యూసర్ రాక్ లైన్ వెంకటేష్ గట్టిగానే ప్రయత్నిస్తున్నాడట. రజనీతో లింగ తీసి ఆ మూవీతో నష్టాలు మూటగట్టుకున్న వెంకటేష్.. సల్మాన్ బజరంగీ భాయ్ జాన్ మూవీతో లాభపడ్డాడు. ఇటు రజనీకాంత్.. అటు సల్మాన్ ఖాన్ తో రాక్ లైన్ వెంకటేష్ కి మంచి రాపో ఉండటంతో వీళ్లతో కలిపి మూవీ తీయడానికి మంచి కథ కోసం సెర్చ్ చేస్తున్నాడట.

రజనీ ఏది అనుకుంటే అది అలా జరిగిపోతుంది.. సల్మాన్ తల్చుకుంటే మూవీ ఇలా పట్టాలెక్కిస్తుంది అని చెబుతున్న రాక్ లైన్ వెంకటేష్ ప్రస్తుతానికైతే ఇద్దరూ సూపర్ స్టార్స్ తో మూవీ తీయడానికి అదిరిపోయే స్టోరీతో ఇద్దర్ని ఒప్పించడానికి చర్చల మీద చర్చలు జరుపుతున్నాడట. వీలు చూసుకోని ఓ ప్రకటన కూడా చేస్తానంటున్నాడు. లెటజ్ సీ ఏమవుతుందో!!

Like Us on Facebook : https://www.facebook.com/Tupakidotcom/