నాలుగు వెర్షన్లు ఎందుకు రాజమౌళి?

అసలు కట్టప్ప బాహుబలిని ఎందుకు చంపాడు అంటే.. దానికి రాజమౌళి త్వరలోనే ఆన్సర్ చెబుతున్నాడు అని అందరూ ఎదురు చూస్తున్నారు. ఎలాగో 2017లో తెలిసిపోతోంది కాబట్టి.. ఇంకో 8 నెలల వెయిట్ చేయడంలో ఆడియన్స్ కూడా కిక్ ఫీలవుతున్నారు. అయితే అసలు బాహుబలిని ఎందుకు చంపాడనేది రాజమౌళికి క్లారిటీగా తెలియదా??

నిజానికి ఆ క్లయమ్యాక్స్ పంచ్ ఇంత వైరల్ అవుతుందని రాజమౌళి కూడా ఊహించలేదట. అందుకే ఇప్పుడు తన తండ్రి విజయేంద్ర ప్రసాద్ తో కూర్చొని ఆయన నాలుగు రకాల ఆన్సర్లను రెడీ చేశాడట. అదేనండీ.. నాలుగు రకలా ప్రీ క్లయ్ మ్యాక్స్ అండ్ క్లయ్ మ్యాక్స్ లను రెడీ చేశాడు జక్కన్న. అయితే వీటిల్లో ఏది బాగుంది అనే విషయంపై డెసిషన్ తీసుకోవడానికి కూడా చాలా టైమ్ పట్టేసింది. ఇకపోతే షూటింగులో ఏకంగా వీటిలో రెండు వర్షన్లను ఆయన షూట్ చేస్తున్నట్లు తెలుస్తోంది. మిగతా రెండూ షూట్ చేయాలా వద్దా అనేది కూడా త్వరలోనే డిసైడ్ అవుతారట.

మొత్తంగా నాలుగు వర్షన్లనూ రెడీ చేసి.. వాటిలో ఏది కిక్కిచ్చింది అనుకుంటే అదే రిలీజ్ చేస్తారనమాట. అయినా రాజమౌళి వంటి జీనియస్ డైరక్టర్ కూడా ఇలా నాలుగేసి క్లయమ్యాక్సులు షూట్ చేసుకుంటూ పోతే ఎలా!!