ఒక లవ్ స్టోరీ కోసం అందగాడితో

ప్రస్తుత రోజుల్లో మంచి సక్సెస్ రేట్ తో సినిమాలు తీస్తూ నిర్మాతలకు మినిమమ్ గ్యారెంటీ హీరోగా మారిన హీరో రాజ్ తరుణ్. అనుకోకుండా ఉయ్యాలా జంపాల సినిమాతో ఛాన్స్ కొట్టేసి ప్రస్తుతం ఊహించని విజయాలను అందుకుంటున్నాడు. అదే విధంగా మంచి కథలొస్తే అస్సలు వదలడం లేదు. ఇప్పటి వరకు ఎన్నో లవ్ స్టోరీస్ లలో తన నటనతో ఆకట్టుకున్న ఈ కుర్ర హీరో మరో లవ్ స్టోరీ సినిమాకు ఒకే చెప్పేశాడు.

గుండెజారి గల్లంతయ్యిందే - ఒక లైలా కోసం వంటి లవ్ స్టోరీస్ ని తెరకెక్కించి తనకంటూ ఓ గుర్తింపు తెచ్చుకున్న విజయ్ కుమార్ కొండ ఇప్పుడు రాజా తరుణ్ తో సినిమాకు దర్శకత్వం చేయడానికి రెడీ అయిపోయాడు. ఇదివరకు ఎప్పుడు చూడని ఓ కొత్త తరహా లవ్ స్టోరీని వీరిద్దరి కలయికలో తెరకెక్కబోతోందని తెలుస్తోంది. అక్టోబర్ లో వీరిద్దరి కాంబో సెట్స్ పైకి వెళ్లనుందని టాక్.

ఇక ఈ సినిమాను ఏకే ఎంటర్టైన్మెంట్స్ వారు నిర్మిస్తున్నారు. ఇంతకుముందే రాజ్ తరుణ్ ఈ బ్యాన్నర్ లో అందగాడు మరియు మరో సినిమాను చేశాడు. ప్రస్తుతం ఈ యువ హీరో రెండు సినిమాలతో బిజీగా ఉన్నాడు. మారుతీ కథ అందించిన రాజు గాడు యమ డేంజర్ అనే సినిమా ఒకటి.. మరొకటి అన్నపూర్ణ వారు తెరకెక్కిస్తున్న చిత్రం. మరి అపజయాల్లో ఉన్న ఈ దర్శకుడికి హీరోకి ఈ కాంబినేషన్ ఎంతవరకు హెల్ప్ అవుతుందో చూడాలి.