కబాలితో కలిసిన అహల్య

సూపర్ స్టార్ రజినీకాంత్ తో కలిసి నటించడమంటే.. ఏ హీరోయిన్ కైనా ఓ అఛీవ్ మెంట్ లాంటిదే. అందుకే అవకాశం కోసం ఆశగా వెయిట్ చేస్తుంటారు. మధ్యమధ్యలో కొందరు ఛాన్స్ వస్తే చాలు ఫ్రీగా అయినా చేసేస్తామంటూ ఉంటారు.

ప్రస్తుతం రజినీ నటిస్తున్న మూవీ కబాలి. ఇందులో హీరోయిన్ గా రాధికా ఆప్టేను ఎంచుకున్నారు. కొన్ని నెలలుగా షూటింగ్ జరుగుతున్నా.. రజినీకాంత్ తో కలిసి నటించే అవకాశం రాధికకి ఇప్పుడే వచ్చింది. "ఈ సినిమాలో నా పాత్ర షూటింగ్ కోసం ఎంతో ఎదురు చూశాను, మొత్తానికి గోవా చేరుకన్నాను. ఇవాళే షూటింగ్ స్టార్ట్ కానుంది. చాలా థ్రిల్లింగ్ గా ఉంది" అంటూ రాధికా ఆప్టే ట్వీట్ చేసింది.

గోవాలో కబాలి యూనిట్ 15 రోజుల పాటు షూటింగ్ నిర్వహించనుంది. రజినీకాంత్ డాన్ గా నటించనుండగా.. ఆ డాన్ కి భార్య పాత్రలో రాధిక యాక్ట్ చేయనుంది. రంజిత్ దర్శకత్వం వహిస్తున్న కబాలి.. వచ్చే ఏడాది సమ్మర్ నాటికి రిలీజ్ అయ్యే అవకాశాలున్నాయి. కాగా.. డిసెంబర్ 12న సూపర్ స్టార్ పుట్టిన రోజు కావడంతో.. ఆరోజున కబాలి టీజర్ రిలీజ్ కానుండడం విశేషం.