పుష్ప‌రాజ్ ఇంట్ర‌డ‌క్ష‌న్.. మాస్ కు పూన‌కాలేనా?

ఐకాన్ స్టార్ అల్లు అర్జున్ క‌థానాయ‌కుడిగా న‌టించిన పాన్ ఇండియా మూవీ 'పుష్ప ది రైజ్‌'. స్టార్ డైరెక్ట‌ర్ సుకుమార్ ద‌ర్శ‌క‌త్వంలో మైత్రీమూవీ మేక‌ర్స్ వారు అత్యంత భారీ స్థాయిలో పాన్ ఇండియా మూవీగా నిర్మించిన ఈ సినిమా వ‌ర‌ల్డ్ వైడ్ గా భారీ విజ‌యాన్ని ద‌క్కించుకోవ‌డ‌మే కాకుండా పుష్ప మేన‌రిజ‌మ్స్ దేవిశ్రీ‌ప్ర‌సాద్ సాంగ్స్ సినిమాని మ‌రింత పాపుల‌ర్ అయ్యేలా చేశాయి. శ్రీ‌వ‌ల్లి, ఊ అంటావా మావ ఊహూ అంటావా.. పాట‌ల్లో బ‌న్నీ వేసిన హుక్ స్టెప్స్ సినిమాని మ‌రింత‌గా పాపుల‌ర్ అయ్యేలా చేశాయి.

ఫ‌స్ట్ పార్ట్ సంచ‌ల‌న విజ‌యాన్ని సొంతం చేసుకున్న నేప‌థ్యంలో 'పుష్ప 2' పై భారీ అంచ‌నాలు నెల‌కొన్నియా. ఉత్త‌రాదిలో ఈ మూవీ ఎలాంటి ప్ర‌మోష‌న్స్ లేకుండానే వంద కోట్లు రాబట్ట‌డంతో అక్క‌డ కూడా 'పుష్ప 2' క్రియేట్ చేయ‌బోతే రికార్డ్స్ కోసం ఉత్త‌రాది ప్రేక్ష‌కులు కూడా ఆస‌క్తిగా ఎదురు చూస్తున్నారు. పార్ట్ 1 లో కూలి సిండికేట్ స్మ‌గ్ల‌ర్ గా ఎదిగిన క్ర‌మాన్ని చూపించ‌గా.. ఆ సిండికేట్ ని ఏలే వ్య‌క్తి వ‌ర‌ల్డ్ వైడ్ గా మోస్ట్ వాంటెడ్ రెడ్ సాండ‌ల్ స్మ‌గ్ల‌ర్ గా త‌న సామ్రాజ్యాన్ని విస్త‌రించుకున్నాడ‌నే నేప‌థ్యంల సాగుతుంద‌ని తెలుస్తోంది.

ఇందులో భాగంగానే ఈ మూవీని విదేశాల్లోనూ చిత్రీక‌రించ‌బోతున్నార‌నే వార్త‌లు వినిపిస్తున్నాయి. జ‌పాన్‌, థాయ్ లాండ్, బ్యాంకాక్ వంటి దేశాల్లోనూ ఈ మూవీకి సంబంధించిన కీల‌క ఘ‌ట్టాల‌ని చిత్రీక‌రించ‌నున్నార‌ట‌.

ఫ‌స్ట్ పార్ట్ ని మించి అత్యంత భారీ బ‌డ్జెట్ తో ఊమించ‌ని లొకేష‌న్ ల‌తో భారీ స్తాయిలో తెర‌పైకి రాబోతోంది. ప్ర‌స్తుతం ఈ మూవీ రెగ్యుల‌ర్ షూటింగ్ వైజాగ్ లో జ‌రుగుతోంది. ఇటీవ‌లే హీరో అల్లు అర్జున్ వైజాగ్ చేరుకున్నాడు.

ప్ర‌స్తుతం అక్క‌డ పుష్ప‌రాజ్ ఇంట్ర‌డ‌క్ష‌న్ సాంగ్ ని భారీ స్థాయిలో చిత్రీక‌రిస్తున్నార‌ట‌. సాంగ్ థియేట‌ర్ల‌లో అభిమానుల‌కు పూన‌కాలు తెప్పించ‌డం ఖాయం అని చెబుతున్నారు. ఆ స్తాయిలో పుష్ప‌రాజ్ ఇంట్ర‌డ‌క్ష‌న్ సాంగ్ ని భారీ గా ప్లాన్ చేశార‌ట‌. ఈ పాట‌కు దేవీశ్రీ‌ప్ర‌సాద్ పూన‌కాలు తెప్పించే రేంజ్ లో మ్యూజిక్ అందించాడ‌ని, గోల్డెన్ గ్లోబ్ పుర‌స్కారం సొంతం చేసుకున్న 'నాటు నాటు' పాట‌ని అందించిన చంద్ర‌బోస్ ఈ మూవీకి స‌రికొత్త మాసీవ్ సాంగ్ ని అందించాడ‌ట‌.

వైజాగ్ పోర్ట్ నేప‌థ్యంలో ఈ పాట‌ని భారీ స్థాయిలో చిత్రీక‌రిస్తున్నార‌ట‌. ఇంత వ‌ర‌కు ఈ మూవీ రెగ్యుల‌ర్ షూటింగ్ కి సంబంధించిన ఎలాంటి అప్ డేట్ ని అందించ‌ని చిత్ర బృందం ఈ మూవీ షూటింగ్ స‌గ‌భాగం పూర్త‌యిన త‌రువాతే ప్రోమోని రిలీజ్ చేయాల‌ని ప్లాన్ చేసుకుంటున్నార‌ట‌. ర‌ష్మిక మంద‌న్న హీరోయిన్ గా న‌టిస్తున్న ఈ మూవీలోని కీల‌క పాత్ర‌ల్లో ఫ‌హ‌ద్ ఫాజిల్‌, అన‌సూయ‌, సునీల్ త‌దిత‌రులు న‌టిస్తున్నారు. భారీ అంచ‌నాలు నెల‌కొన్న ఈ మూవీని 2024 జ‌న‌వ‌రికి ప్రేక్ష‌కుల ముందుకు తీసుకురావాల‌ని ప్లాన్ చేస్తున్నారు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.