ఆమెకు పూరీ ప్రమోషన్ ఎందుకంటే..

ఎప్పటికప్పుడు కొత్త కొత్త అందగత్తెలను తీసుకురావడంలో.. దర్శకుడు పూరీ జగన్నాధ్ భలే ట్యాలెంటెడ్. హీరోయిన్స్ నుంచి ఐటెం భామల వరకూ.. పూరీ పట్టుకొచ్చిన అమ్మాయిలకు విపరీతమైన క్రేజ్ ఏర్పడుతుంది. ఐటెం భామల విషయంలో అయితే.. పూరీ పెట్టే ఫోకస్ మామూలుగా ఉండదు.

తన సినిమాలో తీసుకున్నాక.. ఆ భామకు క్రేజ్ తీసుకొచ్చేందుకు పూరీ ఐడియాలు భలే ఉంటాయి. ఎన్టీఆర్ మూవీతో టెంపర్ లో నోరా ఫతేహిని తీసుకొచ్చాడు. బిజినెస్ మ్యాన్ టైంలో శ్వేతా భరద్వాజ్ ను ఇలాగే ప్రమోట్ చేశాడు. పోకిరి టైంలో జ్యోతి రాణాకు ఇలాంటి ట్రీట్మెంట్ దక్కింది. ఈ లిస్ట్ చాలానే ఉంటుంది కానీ.. ఇప్పుడు పూరీ ఫోకస్ అంతా.. కైరా దత్ పై పెట్టేశాడు. ఈమె టాలీవుడ్ జనాలకు తెలిసిన అమ్మాయే. రేసుగుర్రం సినిమాలో బూచాడో బూచాడే సాంగులో మెరిసిన ఐటెం భామే ఈ కైరా దత్. అలాగే క్యాలెండర్ గాళ్స్ తో బాలీవుడ్లో కూడా బాగానే గుర్తింపు సంపాదించింది.

ఇప్పుడు పూరి జగన్ ఈమెను టాలీవుడ్ లో తెగ ప్రమోట్ చేస్తున్నాడు. ప్రస్తుతం ఈ భామ పైసా వసూల్ మూవీలో ఓ ఐటెం సాంగ్ చేస్తోంది. బాలయ్య తో కలిసి ఓ మాంచి బీట్ ఉన్న సాంగ్ కు డ్యాన్స్ చేస్తోంది. ఇప్పుడీ కైరా దత్ ను 'శమంతకమణి' సినిమా ప్రీ రిలీజ్ ఈవెంట్ లో సందడి చేసింది. పైసా వసూల్ లో యాక్ట్ చేస్తున్నాను అని కూడా చెప్పింది. సౌత్ లో స్టార్ స్టేటస్ అంటే ఎలా ఉంటుందో ఈమెకు అర్ధమయ్యేలా రుచి చూపించాడు పూరీ జగన్నాధ్. అంతే కదూ?

Like Us on Facebook : https://www.facebook.com/Tupakidotcom/