పూరి కాల్‌ చేసి.. ఏమన్నాడంటే..

ఆదా శర్మ కెరీర్ చాలానే సక్సెస్ లు ఉన్నా.. ఇప్పటివరకూ ఆమెకు పేరు తెచ్చినవేమీ లేవు. హార్ట్ ఎటాక్ - సన్నాఫ్ సత్యమూర్తి - సుబ్రమణ్యం ఫర్ సేల్ చిత్రాలు హిట్ అయినా.. ఆదాకు మాత్రం పేరు కాదు.. కనీసం గుర్తింపు కూడా తెచ్చిపెట్టలేకపోయాయి. రీసెంట్ గా గరం ఫ్లాప్ తో వెనకబడుంతుందేమో అనుకున్న టైంలో.. క్షణం మూవీతో సూపర్ హిట్ కొట్టి మంచి యాక్టర్ కూడా అనిపించుకుంది ఆదా శర్మ.

"క్షణం రిలీజ్ అయ్యాక నా ఫోన్ ఆగకుండా మోగుతూనే ఉంది. వరుసగా కాల్స్ వస్తూనే ఉన్నాయి. రాణా - రకుల్ - బన్నీ.. ఇలా వరుసగా కాల్స్ చేస్తూనే ఉన్నారు. అందరికంటే ముఖ్యంగా నన్ను ఇండస్ట్రీకి పరిచయం చేసిన పూరీ జగన్నాథ్ కాల్ చేసి'నువ్వసలు యాక్టింగ్ చేసినట్లుగా అనిపించలేదు, అంత ఒరిజినల్ గా చేశావ్' అనడం మాత్రం మర్చిపోలేను" అన్నారు' అంటూ తెగ హ్యాపీగా ఫీలయిపోయింది ఈ భామ.

దక్షిణాదిలో అంతా స్టీరియో టైప్ సినిమాలు వస్తున్నాయని.. ఈ ట్రెండ్ ని క్షణం బ్రేక్ చేసిందని చెబుతోంది ఆదా. అందరూ పెట్టిన పెట్టుబడి రాబట్టుకోవడం కోసం.. రొటీన్ సినిమాలతో విసుగు తెప్పిస్తున్నారని, కానీ క్షణం ఈ రికార్డులన్నీ తుడిచిపెట్టేసి, కొత్త ట్రెండ్ సృష్టించడం హ్యాపీగా ఉందన్నది ఆదా చెబుతున్న మాట.