పక్క దేశం భామలతో పూరీ కనెక్షన్

దర్శకుడు పూరీ జగన్నాధ్ సినిమాల్లో హీరోయిన్స్.. ఐటెం గాళ్స్ విభిన్నంగా కనిపిస్తూ ఉంటారు. చాలా మంది ఇండియన్స్ నే పూరీ పరిచయం చేశాడు కానీ.. ఫారిన్ గాళ్స్ ను కూడా పట్టుకొస్తూ ఉంటాడు. తాజాగా రూపొందించిన రోగ్ మూవీలో.. ఓ హీరోయిన్ గా పోలిష్ భామ ఏంజెలా క్లిస్లింజ్కీ ను తీసుకొచ్చాడు ఈ దర్శకుడు.

అంతకు ముందు పలువురు ఫారినర్స్ పూరీ సినిమాల్లో సందడి చేశారు. కెనడియన్ భామ నోరా ఫతేహి టెంపర్.. లోఫర్ సినిమాల్లో కనిపించింది. బ్రెజిల్ బ్యూటీ గాబ్రియెలా బెర్నాంటేను కెమేరామెన్ గంగతో రాంబాబు చిత్రంలో నటింపచేశాడు. లండన్ భామ స్కార్లెట్ విల్సన్ కూడా ఇదే మూవీలో కనిపిస్తుంది. ఇప్పుడు పోలిష్ అమ్మాయిని తీసుకొచ్చాడు. ఇండియాలో ఇంతమంది సుందరాంగులు ఉంటే.. ప్రత్యేకించి పక్క దేశం భామలపై పూరీకి అంత ఇంట్రెస్ట్ ఏంటనే ఆసక్తి సహజం. దీనికి ఇప్పుడు పూరీనే స్వయంగా క్లారిటీ ఇచ్చాడు.

'నేను దేశవ్యాప్తంగా తిరుగుతున్నపుడు అనేకమంది అమ్మాయిలు కనిపిస్తూ ఉంటారు. ముంబైలో ఉన్నపుడు.. అక్కడ సెటిల్ అయ్యి ఇండియన్ మూవీస్ లో కనిపించేందుకు తాపత్రయపడుతున్న పలువురు కనిపిస్తారు. ఓ ఫారిన్ లాంగ్వేజ్ మూవీలో నటించేందుకు మన దేశంలో ఇలాంటి ప్రయత్నం చేసేవారెవరకూ కనిపించరు. అందుకే నా బడ్జెట్ లిమిట్స్ లో ఉన్నట్లయితే వారికి అవకాశం ఇచ్చేందుకు ఆలోచించను' అని చెప్పాడు పూరీ జగన్నాధ్.

Like Us on Facebook : https://www.facebook.com/Tupakidotcom/