ఫోటో స్టొరీ: #రాపో17 కోసం రెడీ

పూరి జగన్నాధ్ తన కొత్త సినిమాకోసం రంగం సిద్ధం చేసుకుంటున్నాడు. సినిమాకు సినిమాకు మధ్య ఎప్పుడూ నెలకంటే ఎక్కువగా గ్యాప్ తీసుకొని పూరి మొదటి సారి చాలా గ్యాప్ తీసుకొని తన నెక్స్ట్ సినిమాను ఎనర్జిటిక్ హీరో రామ్ తో చేసేందుకు రెడీ అవుతున్నాడు. ఈ సినిమా రెగ్యులర్ షూటింగ్ జనవరిలో స్టార్ట్ చేస్తారట.

సినిమాను ప్రకటించిన తర్వాత పూరి జగన్నాధ్.. రామ్.. ఛార్మీ కౌర్ ఒకసారి కలిసి ఒక సెల్ఫీ తీసుకున్నారు. ఈ సినిమాకు ఇంకా టైటిల్ ప్రకటించలేదుగానీ #రాపో17(రామ్ పోతినేని) పేరుతో పిలుస్తున్నాడు రామ్. ముగ్గురి సెల్ఫిని తన ట్విట్టర్ ఖాతా ద్వారా పోస్ట్ చేసి "మంచోడి పాత్రలు చేసి చేసి అలిసిపోయినప్పుడు ఈ చెడ్డవాడిని కలుస్తారు. నా అల్ టైమ్ ఫేవరెట్స్ లో ఒకరైన పూరి జగన్ గారితో ఫైనల్ గా #రాపో17. ఈ బోల్డ్ వైల్డ్ ఫిలిం కోసం ఫుల్ గా ఎగ్జైట్ అయి ఉన్నా" అంటూ ట్వీట్ చేశాడు రామ్.

యాక్షన్ ఎంటర్టైనర్ గా తెరకెక్కనున్న ఈ సినిమా కోసం రామ్ తన లుక్స్ మారుస్తాడట. తన సినిమాల్లో హీరోలను డిఫరెంట్ గా ప్రెజెంట్ చెయ్యడంలో పూరి జగన్నాధ్ స్పెషలిస్ట్. పూరి హీరోలకు ఇచ్చే మేకోవర్ ను చూసి ఆడియన్స్ ఎవరైనా థ్రిల్ కాకుండా ఉండలేరు. ఇప్పుడు రామ్ ను కూడా అలాగే లుక్స్ తో పాటు డిఫరెంట్ క్యారెక్టరైజేషన్ తో ప్రెజెంట్ చేస్తాడట.