క‌న్ను గీటిన పిల్ల‌... తెలుగు ఎంట్రీ?

సినిమా ఇండ‌స్ట్రీలో ఓవ‌ర్‌ నైట్ స్టార్ అయిపోయింది ప్రియా ప్ర‌కాష్ వారియ‌ర్‌. క‌నుబొమ్మ‌ల‌తో మాయ చేసి... క‌న్ను కొట్టి కుర్ర‌కారుతో స‌హా నాలుగైదు సినిమా ఇండ‌స్ట్రీల‌నే ప‌డేసింది. ఆమె ఇంటి చుట్టూ ఇప్ప‌టికీ కుర్రాళ్లు కాపు కాస్తున్నార‌ట‌... ఆమెను ఒక్క‌సారి చూడ‌డానికి. ఆ పిల్ల త్వ‌ర‌లో తెలుగులో న‌టించ‌బోతున్న‌ట్టు స‌మాచారం.

ఒరు అడార్ ల‌వ్ సినిమా షూటింగ్ ప్ర‌స్తుతం జ‌రుగుతోంది. కాలేజీలో టీనేజీ ల‌వ్ స్టోరీ చుట్టూ జ‌రిగే క‌థ‌. అందులో ఒక హీరోయిన్ ప్రియా ప్ర‌కాష్‌. ప‌ద్దెనిమిదేళ్ల ఈ పిల్ల‌... అప్ప‌టివ‌ర‌కు పెద్ద‌గా ఎవ‌రికీ తెలియ‌దు. ఒరు అడార్ ల‌వ్ సినిమా పాట‌లోని 26 సెక‌న్ల పాట‌ను విడుద‌ల చేశారు. అందులో ప్రియా ప్ర‌కాష్ క‌ళ్లు మాయ చేశాయి. క‌నుబొమ్మ‌ల‌తో డ్యాన్స్ చేసింది. చివ‌ర‌లో క‌న్ను కొట్టి కుర్రాళ్ల‌ను ప‌డ‌గొట్టేసింది. ఆమె చూపు - న‌వ్వుని అంత సులువుగా ఎవ‌రూ మ‌ర్చిపోలేక‌పోయారు. ఓవ‌ర్‌ నైట్‌ లో స్టార్ అయిపోయింది. ఇప్పుడామెకు సినిమా అవ‌కాశాలు కుప్ప‌లుగా వ‌స్తున్నాయి. కానీ ఆమె దేనికి ఓకే చెప్ప‌లేదు. ఇప్పుడు ఒక తెలుగు సినిమాలో న‌టించేందుకు ఒప్పుకుంద‌ట‌.

ఒరు అడార్ ల‌వ్ సినిమాను ఓ ద‌ర్శ‌కుడు తెలుగులోకి తీసేందుకు సిద్ద‌మ‌య్యాడు. తెలుగులో కూడా త‌న పాత్ర‌ను తానే చేయ‌డానికి ఒప్పుకుంద‌ట ప్రియా ప్ర‌కాష్‌. సినిమాలో షూటింగ్ త్వ‌ర‌లో మొద‌ల‌వ్వ‌నుంది. ఇందులో హీరోగా ఆశిష్ రాజ్ అనే కుర్రాడు చేయ‌బోతున్నాడు. ఇగో అనే సినిమాలో ఇత‌ను న‌టించాడు.