హమ్మయ్యా!! ప్రణీత ఓ ఆఫర్ పట్టింది

సౌత్ లో అందరికి తెలిసిన బ్యూటీ ప్రణీత సుభాష్. ఏం పిల్లో ఏం పిల్లడో సినిమాతో సింపుల్ గా తెలుగు తెరకు పరిచయమైన ఈ కన్నడ బ్యూటీ మొదట్లో ఆఫర్స్ బాగానే అందుకుంది. కానీ అనుకున్నంత రేంజ్ లో హిట్స్ అందుకోలేదు. స్టార్ హీరోల సినిమాల్లో అవకాశాలు వచ్చినప్పటికీ సెకండ్ హీరోయిన్ గానే సరిపెట్టుకోవాల్సి వచ్చింది. మరికొన్ని సినిమాల్లో అయితే మరీ చిన్న క్యారెక్టర్స్ వచ్చాయి. అయినా కూడా ప్రణీత వచ్చిన అవకాశాలను ఏ మాత్రం వద్దనకుండా చేసుకుంటూ వెళ్లింది.

అయితే తెలుగులో చివరగా బ్రహ్మోత్సవం సినిమాలో కనిపించిన ప్రణిత మళ్లీ కనిపించలేదు. ఆ సినిమా ఏ స్థాయిలో డిజాస్టర్ అయ్యిందో స్పెషల్ గా చెప్పనవసరం లేదు. ఆ సినిమాలో ప్రణిత చేసింది చిన్న క్యారెక్టర్ అయినా రిజల్ట్ ఆమెపై కూడా పడింది. దీంతో గత ఏడాది వరకు తమిళ్ కన్నడలోనే అవకాశాలు అందుకుంది. అయితే చాలా కాలం తరువాత అమ్మడికి టాలీవుడ్ నుంచి మంచి ఆఫర్ దక్కింది. రామ్ - త్రినాథరావు నక్కిన కాంబినేషన్ లో వస్తోన్న హలో గురు ప్రేమ కోసమే సినిమాలో ప్రణిత ఒక ఇంపార్టెంట్ రోల్ లో కనిపించనుంది.

ఆల్ రెడీ ఆ ప్రాజెక్ట్ లో అనుపమ పరమేశ్వరన్ సెట్ అయ్యింది. మరో లేడి కావాలని గత కొంత కాలంగా చిత్ర యూనిట్ ఆడిషన్స్ నిర్వహించి ఫైనల్ గా ప్రణిత వైపు తిరిగినట్లు తెలుస్తోంది. ఫుల్ కామెడీ అండ్ లవ్ ఎంటర్టైనర్ గా తెరకెక్కబోయే ఈ సినిమాని దిల్ రాజు నిర్మిస్తున్నారు. మరి ప్రణిత ఈ సినిమాతో అయినా స్టార్ హీరోలతో అవకాశాలను అందుకుంటుందో లేదో చూడాలి.