అన్నీ డిఫరెంట్ పాత్రలే!!

వరుణ్ తేజ్ తో కలిసి క్రిష్ డైరెక్షన్ లో కంచె మూవీలో మెప్పించిన తర్వాత.. ప్రగ్యా జైస్వాల్ పేరు మార్మోగిపోయింది. అనేక ప్రాజెక్టులలో ఈ భామ పేరు తెగ వినిపించేసింది. అవకాశాలు బోలెడన్ని వచ్చేశాయి. ఇంత క్రేజ్ ఉన్నా.. గతేడాది ఒక్క సినిమా కూడా ఈ భామ నటించిన మూవీ రిలీజ్ కాలేదంటే.. సిట్యుయేషన్ అర్ధమవుతుంది

అయితే.. 2017లో మాత్రం అమ్మడి కెరీర్ పరుగులు పెట్టే అవకాశాలు పుష్కలంగా కనిపిస్తున్నాయి. వరుసగా ఈమె నటించిన సినిమాలు రిలీజ్ కి సిద్ధమైపోతున్నాయి. ఈ వారంలో నాగార్జున-రాఘవేంద్రరావుల మూవీ ఓం నమో వేంకటేశాయ రిలీజ్ కానుంది. దీనిపై అమ్మడి ఆశలు చాలానే ఉన్నాయి. ఆ తర్వాత గుంటూరోడు అంటూ మంచు మనోజ్ తో కలిసి ఈ నెలలోనే ప్రేక్షకులను పలకరించనుంది ప్రగ్యా. వీటితో పాటు కృష్ణవంశీ దర్శకత్వంలో తెరకెక్కిస్తున్న నక్షత్రం చిత్రంలో కూడా కీలక పాత్ర పోషిస్తున్న ఈ భామ.. బోయపాటి శ్రీను దర్శకత్వంలో బెల్లంకొండ శ్రీనివాస్ హీరోగా రూపొందిస్తున్న సినిమాలోనూ నటిస్తోంది.

ఈ చిత్రాలు అన్నిటిలోను తన పాత్రలు విభిన్నంగా ఉంటాయని చెబుతోంది ప్రగ్యా జైస్వాల్. 'రెగ్యులర్ సినిమాల కంటే.. వచ్చి అవకాశాలు అన్నీ ఉపయోగించేసుకోవాలని అనుకోవడం కంటే.. విభిన్నమైన పాత్రలను ఎంపిక చేసుకోవడానికే నేను ప్రాముఖ్యత ఇస్తాను' అని చెబుతోంది ప్రగ్యా జైస్వాల్.

Like Us on Facebook : https://www.facebook.com/Tupakidotcom/