నక్షత్రంలో ఈ పాప కూడా ఉందా!!

నిజాంగానే క్యారెక్టర్లకు అవసరం అయ్యి ఇలా చాలామంది తారలను దించుతున్నారా లేకపోతే క్రేజ్ తెప్పించడం కోసం కృష్ణవంశీ ఇలా ఆరాటపడుతున్నాడో తెలియదు కాని.. వరుసపెట్టి తన ''నక్షత్రం'' కోసం తారలను దించేస్తున్నాడు.

చాలారోజుల తరువాత తన కొత్త సినిమాను మొదలెట్టాడు ఈ క్రియేటివ్ డైరక్టర్. సందీప్ కిషన్ - రెజీనా కసాండ్రా కాంబినేషన్లో ''నక్షత్రం'' అనే సినిమా మొదలైంది. ఇందులో సందీప్ ఒక పోలీస్ కానిస్టేబుల్ రోల్ చేస్తున్నాడు. ఆల్రెడీ ఈ సినిమాలో రెజీనా ఒక బికినీ సీన్ లో కుమ్మేస్తోందని న్యూస్ వస్తున్న తరుణంలో.. ఒక ప్రత్యేక పోలీస్ ఆఫీసర్ పాత్రకు సాయిధరమ్ తేజ్ ను తీసుకుని షాకిచ్చాడు వంశీ. ఏకంగా 20 నిమిషాల నిడివి ఉండే పాత్ర ఇది. అక్కడితో ఆగట్లేదు గురుడు.. ఇప్పుడు ఈ పాత్రకు ఒక లేడీ పోలీస్ ఆఫీసర్ ను జంటగా సెట్ చేయాలని ప్లాన్ చేశాడు. అందుకోసం 'కంచె' సినిమా ఫేం ప్రగ్యా జైస్వాల్ ను హీరోయిన్ గా తీసుకున్నారు.

కంచె తరువాత వచ్చిన మొదటి అవకాశం ఇదే కాబట్టి.. ఈ పాత్రలో లీనమైపోవడానికి ఈ పాప ఏకంగా మార్షల్ ఆర్ట్స్ నేర్చుకుని మరీ రంగంలోకి దిగుతోందట. చూస్తుంటే సాయిధరమ్ అండ్ ప్రగ్యాపై ఒక సాంగ్ కూడా తీస్తాడేమో అనిపిస్తోంది కదూ.