అబ్బే ప్రభాస్ చేయట్లేదు!!

సింగం సింగం హీ యీజ్ నరసింగం.. అంటూ బ్యాగ్రౌండ్ స్కోర్ వినిపిస్తోంటే.. అబ్బబ్బా ''యముడు'' సినిమాలో సూర్య క్యారెక్టర్ రేంజే మారిపోయింది. అందుకే ఆ సినిమా తెలుగులో కూడా అంత పెద్ద హిట్టయ్యింది. అయితే ఇప్పుడు సింగం సిరీస్ లో మూడో సినిమా వస్తున్న సంగతి తెలిసిందే. ఈ సినిమాలో శృతి హాసన్ హీరోయిన్ గా నటిస్తోంది.

ఇప్పటికే దాదాపు షూటింగ్ అంతా పూర్తి చేసుకున్నప్పటికీ తన తమ్ముడు కార్తి ''కాష్మోరా''కు సైడిస్తూ సూర్య దీపావళి మీద ఫోకస్ పెట్టాడు. కరక్టుగా అదే సమయానికి తెలుగులో కూడా యముడు 3 అంటూ రిలీజవుతుందట. అప్పట్లో ఈ సినిమాలో బాహుబలి ప్రభాస్ ఒక క్యామియో చేస్తున్నాడనే రూమర్లు వినిపించాయి. దానికితోడు సింగం ప్రొడ్యూసర్ స్టూడియో గ్రీన్ జ్ఞానవేల్ రాజా బాహుబలి సినిమాతో అసోసియేట్ అయ్యుండటంతో.. ఖచ్చితంగా ప్రభాస్ గెస్ట్ ఎప్పీయరెన్స్ గ్యారంటీ అన్నారు.

ఇదే విషయం స్పందించిన నిర్మాత జ్ఞానవేల్ రాజా.. అసలు సింగం 3 సినిమాలో ప్రభాస్ కాదు మరే ఇతర హీరోల క్యామియోలు కూడా లేవంట. కేవలం శృతి హాసన్ తో రొమాన్స్.. అనుష్కతో సాంగ్.. నీతూ చంద్రతో ఐటెం సాంగ్ తప్పిస్తే సినిమాలో ఇతర హీరోలు హీరోయిన్లు లేరని ఆయన స్పష్టం చేశారు.


Like Us on Facebook : https://www.facebook.com/Tupakidotcom/