గోవిందా గోవింద అంటున్న సెక్సిణి

పూనం పాండే.. ఇండియన్స్ కి ఈమె గురించి పెద్దగా పరిచయం చేయనక్కర్లేదు. 2011లో ఇండియా వరల్డ్ కప్ గెలిస్తే.. నగ్నంగా తిరుగుతా అని స్టేట్మెంట్ ఇచ్చి అందరి నోళ్లలోనూ నానింది ఈ బ్యూటీ. అయితే.. పేరు వచ్చింది కానీ ఆ రేంజ్ లో సినిమాలు మాత్రం రాలేదు. వచ్చినవేవీ ఆడియన్స్ ను ఆకట్టుకోలేదు.

రెగ్యులర్ గా సోషల్ మీడియాలో తన అందాలకు సంబంధించిన ఫోటోలు వీడియోలు పోస్ట్ చేస్తూ.. జనాలకు టచ్ లోనే ఉంటున్న పూనం పాండేకు.. ఇప్పుడో అవకాశం లభించింది. బాలీవుడ్ వెటరన్ హీరో గోవిందా.. పాలిటిక్స్ లోకి వెళ్లి ఆ తర్వాత మళ్లీ సినిమాల్లోకి రీఎంట్రీ ఇచ్చాడు. ఇప్పటిక్ కిల్ దిల్.. హ్యాపీ ఎండింగ్ సినిమాలు చేశాడు కానీ అవి సక్సెస్ సాధించలేకపోయాయి. ప్రస్తుతం 'ఆ గయా హీరో' అనే మూవీని తనే నిర్మాతగా తీసేసుకున్నాడు. ఈ మూవీలో రిచా చడ్డా హీరోయిన్ కాగా.. ఓ స్పెషల్ కేరక్టర్ కోసం పూనం పాండేను తీసుకున్నాడట గోవిందా.

తెలుగులో కూడా ఈ బ్యూటీ ఓ సినిమా చేసింది. మాలిని అండ్ కో అనే చిత్రంలో కనిపించినా.. ఆ మూవీ అడ్రస్ లేకుండా పోయింది. ఇప్పుడు ఆగయా హీరో మూవీతో.. గోవిందా అయినా తన కెరీర్ కి బ్రేక్ ఇస్తాడని ఆశలు పెట్టుకుంది సెక్సిణి పూనం పాండే.

Like Us on Facebook : https://www.facebook.com/Tupakidotcom/