తప్పుకునే యోచనలో డీజే బ్యూటీ

అల్లు అర్జున్ తో కలిసి డీజే- దువ్వాడ జగన్నాధం మూవీలో నటిస్తున్న హీరోయిన్ పూజా హెగ్డేకు ఇప్పుడు క్రేజ్ బాగానే ఉంది. ఓ తమిళ్ మూవీతో తెరంగేట్రం చేసిన ఈ సుందరి.. తర్వాత ఒక లైలా కోసం చిత్రం ద్వారా టాలీవుడ్ లో అడుగుపెట్టింది.

ముకుంద అంటూ మెగా హీరో వరుణ్ తేజ్ తో కలిసి నటించాక.. సడెన్ గా ఈమెకు బాలీవుడ్ నుంచి పిలుపు అందింది. అది కూడా హృతిక్ రోషన్ లాంటి స్టార్ హీరో నటిస్తున్న మొహెంజొదారో కావడంతో వెంటనే అక్కడే వెలిగిపోయింది పూజా హెగ్డే. ఆ సినిమా అంతగా ఆడకపోవడం నిరుత్సాహం కలిగించినా.. అమ్మడి అందాలకు బాగానే గుర్తింపు వచ్చింది. సినిమా అవకాశాలు అయితే అందలేదు కానీ.. ఫోటో షూట్స్ లాంటి వాటి కోసం బాగానే పిలుపులు వచ్చాయి. ఇంతలో స్టైలిష్ స్టార్ మూవీ డీజేలో అవకాశం రావడంతో.. దువ్వాడ జగన్నాధం మూవీ చేసింది పూజా హెగ్డే. అయితే.. ఈమెకు టాలీవుడ్ లో కానీ.. సౌత్ లో కానీ కంటిన్యూ అయే ఉద్దేశ్యం లేదని అంటున్నారు సన్నిహితులు.

బాలీవుడ్ లో జెండా పాతేయాలన్నదే అమ్మడి లక్ష్యంగా చెబుతున్నారు. అందుకు తగినట్లుగానే ప్లానింగ్ కూడా చేసుకుందట. దువ్వాడ జగన్నాధం వర్క్ ఫినిష్ అయిపోయాక.. ముంబైలో పర్మనెంట్ గా సెటిల్ అయేందుకు ప్లాన్ చేసుకుందని టాక్.

Like Us on Facebook : https://www.facebook.com/Tupakidotcom/