మూడు భాష‌ల్లో బుట్ట‌బొమ్మ ఎంత బిజీ అంటే?

`అల వైకుంఠ‌పుర‌ములో` ఘ‌న‌విజ‌యంతో బుట్ట‌బొమ్మగా పూజా క్రేజ్ అమాంతం ఖండాంత‌రాల‌కు విస్త‌రించింది. పూజా హెగ్దే కెరీర్ కి అద‌న‌పు మైలేజ్ ని పెంచిన అరుదైన చిత్రంగా నిలిచింది. ఆ త‌ర్వాత వ‌రుసగా ప‌లు భాష‌ల్లో టాప్ హీరోల‌ అవ‌కాశాలు క్యూక‌ట్టాయి. ఇప్పుడు మూడు భాష‌ల్ని బుట్ట‌బొమ్మ చుట్టేస్తోంది. తెలుగు- హిందీ- త‌మిళంలో అగ్ర హీరోల చిత్రాల్లో న‌టిస్తూ బిజీగా ఉంది.

ప్ర‌భాస్ స‌ర‌స‌న పాన్ ఇండియా చిత్రం `రాధేశ్యామ్` లో న‌టిస్తోంది. ఇది 1970 కాలం నాటి పీరియాడిక‌ల్ ల‌వ్ స్టోరీ. ఇంకా మ‌రెన్నో మ‌ల్టిపుల్ లేయ‌ర్స్ టెక్నిక్ ఇందులో ఎగ్జ‌యిట్ చేయ‌నున్నాయి. ముఖ్యంగా రాధేశ్యామ్ లో పూజా పాత్ర‌కు చాలా ప్రాముఖ్య‌త ఉంద‌ని తెలుస్తోంది. పాత్ర స్వ‌భావం కూడా చాలా ప్ర‌త్యేకంగా ఉంటుంద‌ని పూజానే రివీల్ చేసింది.

అలాగే మెగాస్టార్ చిరంజీవి స‌ర‌స‌న `ఆచార్య`లో నీలాంబ‌రి పాత్ర‌లో న‌టిస్తోంది. ఈ పాత్ర చాలా ప‌వ‌ర్ ఫుల్ గా ఉంటుంద‌ని ఇప్ప‌టికే యూనిట్ లీకులిచ్చింది. `న‌ర‌సింహ`లో ర‌మ్య‌కృష్ణ పాత్ర రేంజులో ఉంటుంద‌న్న ప్ర‌చారం అంతే హీటెక్కిస్తోంది. కొర‌టాల శివ చిత్రాల్లో హీరోయిన్ ల‌ పాత్ర‌కు ఉండే వెయిట్ గురించి చెప్పాల్సిన ప‌నిలేదు. అక్కినేని అఖిల్ స‌ర‌స‌న మోస్ట్ ఎలిజిబుల్ బ్యాచిల‌ర్ చిత్రంలోనూ పూజా కి అద్భుత‌మైన పాత్ర ల‌భించింది. ఇప్ప‌టికే అఖిల్ తో రొమాన్స్ కి సంబంధించిన ఫోటోలు యూత్ లో ఫీవ‌ర్ రాజేశాయి.

ఇక కోలీవుడ్ లో ద‌ళ‌ప‌తి విజ‌య్ స‌ర‌స‌న `బీస్ట్ `లో రొమాన్స్ చేస్తోంది. త‌మిళంలో మూగ‌మూడి త‌ర్వాత త‌న‌కు రెండ‌వ చిత్రం కాడం విశేషం. ఆమె కెరీర్ అక్క‌డే ప్రారంభ‌మైనా ఛాన్సులు రాక‌పోవ‌డంతో టాలీవుడ్ వైపు వ‌చ్చేసింది. మ‌ళ్లీ ఇన్నాళ్ల‌కు కోలీవుడ్ లో స్టార్ హీరో విజ‌య్ సినిమాతో కంబ్యాక్ అవుతోంది. ఇక బాలీవుడ్ లో `సిర్క‌స్` లో ర‌ణ‌వీర్ సింగ్ స‌ర‌స‌న న‌టిస్తోంది. జాక్వెలీన్ ఫెర్నాండేజ్ ఇందులో మొద‌టి హీరోయిన్ కాగా పూజా సెకెండ్ లీడ్ లో క‌నిపించ‌నుంది. అలాగే స‌ల్మాన్ ఖాన్ క‌థానాయ‌కుడిగా తెర‌కెక్క‌నున్న కొత్త ప్రాజెక్ట్ లోనూ పూజా హెగ్దే హీరోయిన్ గా ఎంపికైంది. ఇలా అమ్మ‌డి కెరీర్ మూడు భాష‌ల్లో నెవ్వెర్ బిఫోర్ స్టార్ డ‌మ్ తో వెలిగిపోతోంది. మ‌రోవైపు పూజా హెగ్డే వ‌రుస ఫోటోషూట్లు అంతర్జాలంలో మంట‌లు రాజేస్తున్నాయి.